शन फिंडलेको आक्रामक शतकीय इनिंगको मदतले टु एक्स युएसए कप क्रिकेट प्रतियोगिताको लगातार तेश्रो खेल जित्दै नेपाली राइनोज क्रिकेट क्लब समुह ‘ए’ बिजेताको रुपमा प्रतियोगिताको सेमीफाईनलमा प्रवेश गरेको छ l
( स्कोरकार्ड हेर्नुस ) , अंकतालिका
नेपाली राइनोजले शनिबार राति ९:४५ बजे हुने पहिलो सेमीफाइनलमा समुह ‘बि’ को उपविजेता फ्लोरिडा अन्डरडग्सको सामना गर्नेछ l
समरसेट कभालियर्सलाई ४४ रनले पराजित गर्ने क्रममा वेस्ट इन्डिज रास्ट्रिय क्रिकेटर रहीसकेका फिंडलेले आक्रामक ब्याटिंग गर्दै मात्र ४६ बलमा ११३ रन प्रहार गरे l उक्त इनिंगमा १२ छक्का र ३ चौका समाबेस थियो l फिंडलेले बलिनुग तर्फ पनि २ विकेट हात पारे l
टस जितेर ब्याटिंग रोजेको नेपाली टिमले आफ्नो पहिलो १० ओभरमा ७१/३ को स्कोर बनायो l त्यसपछि ब्याटिंग गरेको समरसेटले १० ओभरमा ८०/२ को स्कोर खडा गर्दै पहिलो इनिंगमा ९ रनको अग्रता बनायो l
त्यसपछि ब्याटिंग गरेको राइनोजले बाँकी १० ओभरमा १२९ रन बनाउदै १२० रनको अग्रता लिएको थियो l १० ओभरमा १२१ रनको लक्ष पछ्याएको समरसेटले १० ओभरमा ७५ रन मात्रै जोड्न सकेपछि नेपाली राइनोजले खेल ४४ रनले जित्यो l समरसेटले कुल १५६ रनमा ८ विकेट गुमायो l
राईनोजको लागि ओपनर सुबास खकुरेलले २२ रन बनाए भने शरद भेसावकरले ३९ र सोमपाल कामिले २१ रनको योगदान दिएका थिए l बलिंग तर्फ फिंडले र बसन्त रेग्मीले २/२ विकेट हात पारे भने सोमपाल कामि, पारस खड्का र शरद भेसावकरले १/१ विकेट आफ्नो नाम गरे l
वेस्ट इन्डिज रास्ट्रिय क्रिकेटर रहेका समरसेट ब्याट्सम्यान जेभियर मार्शलले अर्धशताकिय इनिंग खेल्दै ५८ रन बनाएका थिए l समरसेटको लागि शेमरोय बेरिंगटनले २१ र बंगलादेश रास्ट्रिय क्रिकेटर समेत रहेका तपश वैश्यले २१ रन योगदान दिएका थिए l
प्रतियोगिताको बिजेता टिमले ६० हजार अमेरिकी डलर र २० हजार डलर बराबरको मित्सुबासी कार पुरस्कार पाउनेछ l
अघिल्लो खेलमा नेपालले युएई फाल्कोन्सलाई ५ विकेटले पराजित गरेको थियो भने पहिलो खेलमा एमएसएम इंग्ल्यान्डलाई ७ विकेटले पराजित गरेको थियो l
यो पनि पढ्नुस :-
नेपाली टिममा २ अन्तरास्ट्रिय क्रिकेटर
https://www.youtube.com/watch?v=wEHOW9TK-9k
