प्रतियोगितामा लगातार चौथो जित हात पार्दै नेपाली राइनोज टु एक्स क्रिकेट युएसएकपको फाइनल प्रवेश गरेको छ l आज राति सम्पन्न सेमीफाइनल खेलमा ज्ञानेन्द्र मल्लको आक्रामक अर्धसतक मदतले फ्लोरिडा अन्डर डगलाई ७ विकेटले पराजित गर्न नेपाली टिमलाई कठिनाई सामना गर्नु परेन l
राइनोजले अब आज राति १०:४५ बजे हुने भनिएको फाइनल खेलमा पाकिस्तानी स्टार खेलाडी सम्मेलित टिम हस्टन स्पार्क्सको सामना गर्नेछ l हस्टनले आजै सम्पन्न सेमीफाइनलमा युएई फाल्कोन्सलाई ७ विकेटले पराजित गर्दै फाइनल प्रवेश गरेको हो l हस्टनमा पाकिस्तानी रास्ट्रिय क्रिकेटर कमरान अकमल, सईद अज्मल जस्ता खेलाडी छन् l
प्रतियोगिताको बिजेता टिमले ६० हजार अमेरिकी डलर र २० हजार डलर बराबरको मित्सुबासी कार तथा उपविजेताले १८ हजार डलर पाउनेछ l
फ्लोरिडा अन्डरडगले २० ओभरमा बनाएको १२१/९ को स्कोरलाई नेपाली राइनोजले १५ औ ओभरमानै ३ विकेट मात्र गुमाई पछ्याएको थियो l
टस जितेर मुसा क्रिकेट स्टेडियम टेक्सासमा फिल्डिंग रोजेको नेपाली टिमले अन्डरडगलाई पहिलो १० ओभरको इनिंगमा ६७/४ को स्थितिमा रोकेको थियो l त्यसपछि ब्याटिंग गरेको नेपालले १० ओभरमा १०५/३ को स्कोर बनाऊदै ३८ रनको अग्रता कायम गर्यो l
दोश्रो इनिंगमा अन्डरडगले पुरै १० ओभर खेल्दै ५४ रन मात्रै जोड्दा कुल ९ विकेट गुमायो र नेपाली राइनोलाई बाँकी १० ओभरमा १७ रनको लक्ष दियो l नेपाली टिमले दोश्रो इनिंगमा विकेट नगुमाई लक्ष पुरा गर्यो र ७ विकेटको जित दर्ता गर्दै फाइनलमा स्थान सुरक्षित गर्यो l
नेपालको लागि ओपनिंग गर्न आएका ज्ञानेन्द्र मल्लले आक्रामक ब्याटिंग गर्दै ६२ रनको इनिंग खेले l २६ बलको इनिंगमा उनले ५ छक्का र ६ चौका प्रहार गरे l मल्लले २१ बलमै अर्धशतक पुरा गरेका थिए l अर्का ओपनर सुबास खकुरेलले ३६ रनको योगदान दिए भने सिद्धान्त लोहनीले ४ रन बनाए l शरद भेसावकर ६ र राकेश कर्ण १२ रनमा अविजित रहे l
बलिंग तर्फ राइनोजका सोमपाल कामि र शन फिंडलेले २/२ विकेट हात पारे l रस्टि थेरोन, बसन्त रेग्मी र पारस खड्काले १/१ विकेट आफ्नो नाम गरे l अन्डरडग ब्याट्सम्यान हेरोन्ड शालोले ३२, ज्योत छायाले २९ तथा रिजवान चिमाले २३ रन योगदान दिएका थिए l
नेपाल यस अघि समुह ‘ए’ को बिजेताको रुपमा सेमीफाइनल प्रवेश गरेको थियो l
यो पनि पढ्नुस :
- समुह बिजेता बन्दै नेपाली राइनोज सेमीमा, फिंडलेको आक्रामक शतक ( भिडियो सहित )
- यु-१९ रास्ट्रिय क्रिकेट टिमबाट खेल्ने हो ? हुँदैछ ‘ट्यालेन्ट हन्ट’
भिडियो दोश्रो इन्निंग
भिडियो पहिलो इन्निंग
https://www.youtube.com/watch?v=g6vi0mh0Pc0
