- विकेटनेपाल, माघ २५ – बिहिबार
आजदेखि नामिबियामा आइसीसी विश्व क्रिकेट लिग डिभिजन २ प्रतियोगिता सुरु भएको छ। प्रतियोगिता अन्तर्गत आजको खेलमा अहिले आयोजक नामिबिया र नेपाल भिडिरहेका छन् ।
खेलमा नामिबियाले दिएको १३९ रनको लक्ष्य पछ्याएको नेपालले खराब प्रदर्शन गर्दै मात्र ५० रनको स्कोरमा सुरुवाती ५ ब्याट्सम्यान गुमाईसकेको छ । नेपालले २० ओभरको समाप्तीमा ५ विकेट गुमाएर ५० रन बनाएको हो ।
दिलिप नाथ र आरिफ शेख शुन्य रनमा नै आउट भए भने कप्तान पारस खड्काले १९ रन, ज्ञानेन्द्र मल्लले १५ रन तथा दिपेन्द्र सिंह ऐरी ६ रन बनाएर पेभेलियन फर्किए ।
अहिले क्रिजमा शरद भेसावाकर ४ रन तथा करण केसी शुन्य रनमा खेलिरहेका छन् ।
