ओमानमा शुक्रबार देखि सुरु हुने टि-ट्वान्टी विश्वकप छनोट प्रतियोगिता अन्तर्गत नेपालले पहिलो खेलमा आयोजक ओमानसंग प्रतिस्पर्धा गर्दैछ। प्रतियोगितामा सहभागी आठ टिमहरुलाई दुईवटा समुहमा बिभाजन गरिएको छ। नेपाल समुह ‘बि’ मा छ जुन समुहमा ओमान, क्यानडा र फिलिपिन्स छन्। समुह ‘ए’ मा आयरल्याण्ड, युएई, जर्मनी र बहराईन छन्। समुह चरणमा सबै टिमले एकअर्कासंग एक/एक खेले खेलीसकेपछि समुहको उत्कृस्ट हुने दुई टिम सेमीफाइनल पुग्नेछ। सेमीफाइनलमा विजेता टिम अस्ट्रेलिया विश्वकप २०२२ खेल्न छनोट हुनेछ।
खेल : नेपाल Vs ओमान , समय : ११:४५ बजे बिहान ( नेपाल ) , मैदान : अल अमिरात
कहाँ हेर्ने लाईभ ? खेलको प्रत्यक्ष प्रशारण नेपालमा हिमालय टिभीले गर्नेछ। विदेशमा हुनेले फ्यानकोड ( Fancode ) एप तथा आईसीसी टिभी ( ICC.tv ) मार्फत प्रत्यक्ष प्रशारण हेर्न सक्नेछन्। युट्युब लाईभ बारे हालसम्म जानकारी प्राप्त भएको छैन।
टि-ट्वान्टी अन्तर्राष्ट्रिय वरियता : नेपाल ( १५ औं ) , ओमान ( १७ औं )
ओमान-नेपाल हेड टु हेड : नेपाल १ – १ ओमान
पछिल्लो ५ टि-ट्वान्टी अन्तर्राष्ट्रियमा ओमान नतिजा : जित, हार, हार, हार, हार
पछिल्लो ५ टि-ट्वान्टी अन्तर्राष्ट्रियमा नेपालको नतिजा : हार, हार, जित, जित, जित
उच्च लयमा रहेका ओमानका खेलाडी : कश्यप प्रजापति र शोयब खान ( दुवैले पछिल्लो ५ टि-२० मा २ अर्धशतक )
उच्च लयमा रहेका नेपालका खेलाडी : दिपेन्द्र ऐरी ( पछिल्लो तिन खेलमा १४२ रन र ४ विकेट ) , अविनाश बोहरा ( पछिल्लो दुई खेलमा ५ विकेट )
नेपाल – ओमान ( २०१९ अक्टोबर ) : २०१९ मा ओमानमा आयोजित पाँच देश सम्मिलित टि-ट्वान्टी अन्तर्राष्ट्रियमा नेपाल ओमानसंग ६ विकेटले पराजित भएको थियो। अल अमिरात मैदानमा टस हारेर ब्याटिंग गरेको नेपालले ६४ रन मात्र बनाउन सकेपछि सामान्य लक्ष्य ओमानले ४ विकेट क्षेतीमा भेटाएको थियो। ओमानका देब्रे हाते स्पिनर आमिर कलिमले ५ विकेट तथा बिलाल खानले २ विकेट लिएपछि नेपालको इनिंग्स धरासायी बनेको थियो। ब्याटिंगमा सुरज कुमारले अविजित ४२ रन बनाएका थिए। करन केसीले २ तथा सन्दिप लामिछाने र सोमपाल कामिले १/१ विकेट लिंदा २७ रनमा ४ विकेट गुमाएता पनि त्यसपछि ओमानले विकेट नगुमाई लक्ष्य पुरा गरेको थियो।
नेपाल-ओमान ( २०२२ फेब्रुअरी ) : यसै साता सम्पन्न चार देशीय टि-२० सिरिजमा भएको भेटमा नेपाल ६ विकेटले विजयी भएको थियो। अविनाश बोहराले तिन विकेट लिंदा टस हारेर ब्याटिंग गरेको ओमानले कप्तान जिशान मक्सुदले अविजित ४३ रनको मद्दतले ६ विकेट क्षेतीमा १३५ रन बनाएको थियो। दिपेन्द्र ऐरीले अविजित ७३ तथा आरिफ शेखले २५ रन बनाउदा नेपालले १९.३ ओभरमा लक्ष्य भेटाएको थियो। ओमानका कलेमुल्लाहले दुई विकेट लिएका थिए।
खेल अघि कसले के भने
सन्दिप लामिछाने ( कप्तान, नेपाल ) : टिम कम्बीनेसन हेर्दा हामीले जुन लक्ष्य लिएर आएका छौँ खेलाडीको प्रदर्शन र तिन वटै खेलको प्रदर्शन हेर्दा हामि सक्षम छौँ जस्तो लाग्छ। आउने खेलमा हामिमा निर्भर छ कि कुन तरिकाले हामीले योजनाको साथमा अघि बढ्छौ र सबैको एक मात्र लक्ष्य नेपाललाई विश्वकप पुर्याउनु हो।
जिशान मक्सुद ( कप्तान, ओमान ) : यो प्रतियोगिता महत्त्वपूर्ण छ । पछिल्लो पटक टि२० विश्वकप खेलेका थियौं । दोस्रो चरणमा पार गर्न भने सकेनौं । यो राम्रो अवसर हो । हामीलाई घरेलु मैदान र वातावरणको फाइदा हुनेछ । आउटफिल्ड र पिचबारे सबै खेलाडीलाई थाहा छ
ओमान टिम : जिशन मक्सुद ( कप्तान ), अमिर कलिम, मुहम्मद नसिम, जतिंदर सिंह, खवर अलि, मुहम्मद नदीम, आयान खान, सन्दिप गौड, कश्यप प्रजापति, कलेमुल्लाह, बिलाल खान, फयाज बट, शोयब खान र खुर्रम खान
नेपाल टिम : सन्दिप लामिछाने ( कप्तान ) , शरद भेसावकर, ज्ञानेन्द्र मल्ल, दिपेन्द्र ऐरी, कुशल भुर्तेल, आसिफ शेख, आरिफ शेख, अविनाश बोहरा, जितेन्द्र मुखिया, कमल सिंह ऐरी, बिबेक यादव, लोकेश बम, सागर ढकाल र गुल्सन झा
