नेपालको ओमान भ्रमण अन्तर्गत पपुवा न्यु गिनीसंग सेप्टेम्बर ५ र ८ तारिखमा हुने भनिएको दुई वटा एकदिवसीय अन्तर्राष्ट्रियको मिति परिवर्तन गरिएको छ।
नेपाल क्रिकेट संघ ( क्यान ) ले बिहिबार दुई खेलको सिरिज प्राबिधिक कारणले सरेको जानकारी गराउदै अब नयाँ मिति सेप्टेम्बर ७ र १० तारिखमा खेल हुने जानकारी गराएको छ। सिरिज अन्तर्गत पहिलो खेल दिनमा खेलिनेछ भने दोश्रो खेल दिवारात्रि हुनेछ। दुवै खेलको एक्सन स्पोर्ट्स च्यानल र GO OTT APP बाट हुनेछ।
पपुवा न्यु गिनीसंगको दुई खेलपछि नेपालले विश्वकप लिग-२ अन्तर्गत ओमान र अमेरिकासंग त्रिकोणात्मक सिरिज खेल्नेछ। सिरिज अन्तर्गत नेपालले पहिलो खेल सेप्टेम्बर १३ तारिखमा अमेरिकासंग अल अमिरत मैदानमा खेल्ने छ। खेल नेपाली समय ४:१५ बजे बेलुका तथा ओमान समय २:३० बजे दिउसो सुरु हुनेछ। सेप्टेम्बर २० तारिखसम्म कुल ८ दिन चल्ने प्रतियोगिता अन्तर्गत नेपालले दोश्रो खेल सेप्टेम्बर १४ तारिखमा आयोजक ओमान बिरुद्ध खेल्नेछ। यस्तै तेश्रो खेल दुई दिन आराम पछि सेप्टेम्बर १७ तारिखमा अमेरिकासंग तथा चौथो खेल सेप्टेम्बर १९ तारिखमा ओमान बिरुद्ध खेल्नेछ। सम्पूर्ण खेलहरु अल अमीरत मैदानमा खेलिनेछ। सबै खेलहरु नेपाली समय ४:१५ बजे बेलुका र ओमान समय २:३० बजे दिउसो सुरु हुनेछ।
