डिसेम्बरमा नेपालमा आयोजना हुने दक्षिण एसियाली खेलकुदको तयारी स्वरूप नेपाली राष्ट्रिय क्रिकेट टिम अभ्यासरत रहेको छ। उक्त प्रतियोगिता अघि नेपालले सेप्टेम्बर अन्तिममा ( सेप्टेम्बर २७ देखि अक्टोबर ३ मा ) सिंगापुरमा जिम्बाबे सम्मिलित त्रिकोणात्मक सिरिज तथा त्यसलगत्तै ओमान बिरुद्ध ( अक्टोबर ५ देखि १० सम्म ) टि-२० सिरिज खेल्नेछ।
दुइ साता अघि ३५ सदस्यीय प्रारम्भिक टिम घोषित गरि टियु मैदानमा अभ्यास भइरहेको छ। प्रशिक्षक उमेश पटवालले नेपाली खेलाडीहरुको फिटनेसमा विशेष जोड दिईरहेका छन्।
सिंगापुर र ओमान सिरिजमा नेपाली टिममा नयाँ अनुहारले मौका पाउने सम्भावना पनि रहेको छ। नतिजाले फरक नपार्ने हुनाले पनि यो पटक टिममा प्रयोग हुने सम्भावना बढी रहेको छ। सौरभ खनाल, जितेन्द्र मुखिया, राजु रिजाल, सुनिल धमला, ललित भण्डारी, सन्दिप जोरा, कुशल मल्ल, पवन सर्राफ, अमित श्रेष्ठ, किशोर महतो, सुशन भारि, अनिल शाह, नन्दन यादब, भिम शार्की, कुशल भुर्तेल, सागर ढकाल र शाहब आलम जस्ता युवा खेलाडीहरु ओमान र सिंगापुर सिरिजमा राष्ट्रिय टिमको ढोका ढक्याउदै छन्।
सिंगापुरमा जुलाईमा सम्पन्न टि-२० विश्वकप छनौट ( एसिया फाइनल ) प्रतियोगितामा आशा अनुरुप प्रदर्शन गर्न नसके पछि आलोचित नेपाली टिम पुनः आफुलाई प्रमाणित गर्न कडा अभ्यासमा जुटेको छ। प्रशिक्षक पटवाल खेलाडीहरुलाई कडा मेहनत गराइरहेका छन्।
फोटोहरुमा हेर्नुस नेपालको अभ्यास
( फोटोहरु – सुरज शाक्य )
