विराटनगर सुपर किंग्सका अल राउन्डर हुसैन तलत नेपाल टी-२० लिगको सर्वोत्कृष्ट खेलाडी घोषित भएका छन् ।
तलतले लिगभर १३ खेल खेल्दा ३६७ रन बनाउनुको साथै १० विकेट पनि लिएका थिए । सर्वोत्कृष्ट खेलाडी घोषित भएसँगै उनले पाँच लाख रुपैयाँ नगद पुरस्कार पाए ।
यस्तै, फार वेस्ट युनाइटेडका हस्मतुल्लाह साहिदी लिगको उत्कृष्ट ब्याटर चुनिए । साहिदीले लिगभर ४०० रन बनाए । उनले दुई लाख ५० हजार रुपैयाँ पाए ।
काठमाडौँका अभिनाश बोहरा लिगको उत्कृष्ट बलर चुनिए । अभिनाशले पनि दुई लाख ५० हजार रुपैयाँ पाए ।
यस्तै, विराटनगरका सूर्य तामाङ उदीयमान खेलाडी घोषित । उनले एक लाख ८० हजार रुपैयाँ पाए ।
बुधबार भएको फाइनलमा विराटनगरलाई २४ रनले पराजित गर्दै लुम्बिनी अल स्टारले नेपाल टी-२० लिगको पहिलो संस्कारणको उपाधि जितेको छ ।
