भारत भ्रमण गर्ने नेपाली टिम घोषणा : पढ्नुस को परे को परेनन्

nepal cricket team
  • विकेटनेपाल- फाल्गुन १० 

यही फाल्गुन २८ र ३० गते टियु मैदानमा आयोजना हुने आईसीसी बिश्व क्रिकेट लिग च्याम्पियनसिपको नेपाल र केन्या बीचको खेलको तयारी स्वरूप नेपाली टिमले गर्ने भारत भ्रमणको लागि नेपाली टिमको घोषणा भएको छ l

घोषणा भएको १९ जनाको टोलि फाल्गुन १३ गते भारतको ग्रेटर नोयडा गएर ३ वटा अभ्यास खेल खेल्ने कार्यक्रम रहेको छ l नेपाली टिम फाल्गुन २० गते स्वदेश फर्किने कार्यक्रम रहेको छ l नेपालले कुन टिमसंग खेल्ने भने तय हुन बाँकी छ l

कप्तान पारस खड्का भने स्वस्थको कारण भारत भ्रमण जाने छैनन् l उनको यही हफ्ता एपेन्डिसाइटिस अपरेसन भएको थियो l नेपाली टिम फर्किएपछि पारस अभ्यासमा फर्किने छन् l

bikram sob
बिक्रम सोब

भारत भ्रमणको लागि घोषणा भएको १९ जना मध्येबाट केन्यासंगको खेलको लागि १४ जना र ४ जना अतिरिक्त खेलाडी घोषणा गरिनेछ l आईसीसी प्रतिनिधि भेन्कट पति राजु , प्रशिक्षक जगत टमाटा र कप्तान पारस खड्काले नेपाली टोलिको छनौट गरेका हुन् l

माघको अन्तिममा घोषणा भएको २४ जना मध्येबाट अन्तिम १९ जनाको टोलिमा बिक्रम सोब, अमित श्रेष्ठ, सुसन भारि, कुशल भुर्तेल र दिपेश श्रेष्ठ परेनन् l

अन्तिम १९ मा विकेटकिपर ब्याट्सम्यान दिलिप नाथ, दिपेन्द्र ऐरी, आसिफ शेख, सुनिल धमला जस्ता नयाँ नामहरु अटाएका छन् l राजेश पुलामी, अविनाश कर्ण, भुवन कार्की पनि अन्तिम १९ मा पर्न सफल भएका छन् l

नेपाली टिम बिगत २ साता देखि टियु मैदानमा अभ्यास गरिरहेको छ जसको आधारमा १९ जना टोलि छनौट गरिएको हो l केन्यासंग खेल अघि गरिने भारत भ्रमणको प्रदर्शनको आधारमा अन्तिम १४ मा को-को पर्ने नपर्ने निर्णय गर्न भारत भ्रमणको प्रदर्शन महत्वपूर्ण हुने अनुमान गर्न सकिन्छ l

नेपाली टिम :- 

१. पारस खड्का
२. ज्ञानेन्द्र मल्ल
३. आसिफ शेख
४. बिनोद भण्डारी
५. राजेश पुलामी मगर
६. दिलिप नाथ
७. मेहबुब आलम
८. करन केसी
९. आरिफ शेख
१०. सागर पुन
११. भुवन कार्की
१२. शरद भेसावकर
१३. सन्दिप लामिछाने
१४. बसन्त रेग्मी
१५. शक्ति गौचन
१६. अविनाश कर्ण
१७. सोमपाल कामि
१८. सुनिल धमला
१९. दिपेन्द्र ऐरी





थप समाचार

आयरल्यान्डलाई हराउँदै सुपर आठमा पुग्ने लक्ष्यमा अमेरिका

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३० औं खेलमा शुक्रवार अमेरिका र आयरल्यान्डबीच भिड्दै […]

दक्षिण अफ्रिका र नेपाल पहिलो पटक भिड्दै

काठमाडौं । नेपाल र दक्षिण अफ्रिका अन्तर्राष्ट्रिय क्रिकेटको इतिहासमा पहिलो पटक भिड्ने भएका छन् । वेस्ट इन्डिज र अमेरिकामा जारी […]

७ महिना पछि नेपाली जर्सीमा फर्कदै सन्दीप

काठमाडौं । नेपाली राष्ट्रिय पुरुष क्रिकेट टोलीका पुर्व कप्तान तथा लेग स्पिनर सन्दीप लामिछाने ७ महिना १० पछि नेपाली टोलीको […]

दक्षिण अफ्रिकाविरुद्ध नेपाल सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेको नेपालले दक्षिण अफ्रिकाको […]

दक्षिण अफ्रिकाविरुद्ध उमेर समूहको नतिजा दोहोर्याउने लक्ष्यमा नेपाल

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेका नेपाल र दक्षिण […]

पीएनजीलाई हराउँदै अफगानिस्तान सुपर आठमा

काठमाडौं । अफगानिस्तान पपुवा न्यु गिनी (पीएनजी) लाई पराजित गर्दै वेस्ट इन्डिज र अमेरिमा जारी रहेको नवौं संस्करणको टी-२० विश्वकपको […]