थाईल्याण्डसंग नेपाल पहिले ब्याटिंग गर्दै, यस्तो छ अन्तिम ११

Anil Sah, Binod Bhandari
  • विकेटनेपाल, असोज २१ 

मलेसियामा जारि आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत आफ्नो तेस्रो खेलमा थाइल्याण्डको सामना गर्दैछ। तुलनात्मक रुपमा नेपाल भन्दा कमजोर रहेपनि थाइल्याण्ड प्रतियोगिताको अंक तालिकामा भने शिर्ष स्थानमा रहेको छ।

खेलमा थाईल्याण्डले टस जितेर पहिले बलिङ्ग गर्ने निर्णय गरेको छ। प्रतियोगिताको अघिल्लो २ खेलमा नेपालले पहिले बलिङ्ग गरेर जितेको थियो।

नेपालको अन्तिम ११ :- पारस खड्का, अनिल कुमार साह, ज्ञानेन्द्र मल्ल, दिपेन्द्र ऐरी, बिनोद भण्डारी, आरिफ शेख, सोमपाल कामी, ललित राजबंशी, सन्दिप लामिछाने, करन केसी, शरद भेसावाकर

लाइभ अपडेटको लागि क्लिक गर्नुस  

प्रतियोगितामा दुई खेल खेलेको नेपाल २ जित सहित अंक तालिकाको तेस्रो स्थानमा रहेको छ। समान खेल खेल्दै समान जित निकालेको सिंगापुर नेट रन रेटका आधारमा दोस्रो स्थानमा छ। यस्तै ३ खेल खेल्दा २ जित र १ खेलमा नतिजा बिहिन रहेको थाइल्याण्ड अंकतालिकाको शिर्ष स्थानमा रहेको छ।

नेपालले प्रतियोगिताको आफ्नो पहिलो र दोश्रो खेलमा म्यानमार र मलेसियालाई समान ८ विकेटले पराजित गरेको छ। उता थाइल्याण्डले भने प्रतियोगिताको आफ्नो पहिलो खेलमा चाइनाले दिएको ३६ रनको लक्ष्य कुनै विकेट नगुमाई पुरा गरेको थियो। पहिलो खेलमा १० विकेटको जित निकालेको थाई टोलीले दोस्रो खेलमा भने बर्षा बाधक बनेपछि मलेसियासंग अंक बाडेको थियो। यस्तै तेस्रो खेलमा थाइल्याण्डले भुटान बिरुद्ध ८ विकेटको जित निकालेको थियो।

थाईल्याण्डसंग इतिहास

इतिहासको कुरा गर्दा थाईल्याण्ड र नेपाल १ पटक मात्र एकअर्कासंग भेट भएका छन्। सन् १९९८ को नेपालमै सम्पन्न एसीसी ट्रफी प्रतियोगितामा दुई टिमको भेट भए पनि खेल भने वर्षाको कारण टस समेत नभई रोकिएको थियो। महिला क्रिकेट र उमेर समुह क्रिकेटमा भने थाईल्याण्डसंग नेपालले थुप्रै खेल खेल्ने गरेको छ। महिला क्रिकेटमा अघि भए पनि पुरुष क्रिकेटमा भने थाई टिम नेपालको अगाडी कमजोर मानिने गर्छ।





थप समाचार

ccc

आयरल्यान्डलाई हराउँदै सुपर आठमा पुग्ने लक्ष्यमा अमेरिका

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३० औं खेलमा शुक्रवार अमेरिका र आयरल्यान्डबीच भिड्दै […]

दक्षिण अफ्रिका र नेपाल पहिलो पटक भिड्दै

काठमाडौं । नेपाल र दक्षिण अफ्रिका अन्तर्राष्ट्रिय क्रिकेटको इतिहासमा पहिलो पटक भिड्ने भएका छन् । वेस्ट इन्डिज र अमेरिकामा जारी […]

७ महिना पछि नेपाली जर्सीमा फर्कदै सन्दीप

काठमाडौं । नेपाली राष्ट्रिय पुरुष क्रिकेट टोलीका पुर्व कप्तान तथा लेग स्पिनर सन्दीप लामिछाने ७ महिना १० पछि नेपाली टोलीको […]

दक्षिण अफ्रिकाविरुद्ध नेपाल सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेको नेपालले दक्षिण अफ्रिकाको […]

दक्षिण अफ्रिकाविरुद्ध उमेर समूहको नतिजा दोहोर्याउने लक्ष्यमा नेपाल

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेका नेपाल र दक्षिण […]