- विकेटनेपाल, १२ चैत
क्रिकेटको मक्का मानिने इंग्ल्यान्डको लर्ड्स मैदानमा २ बर्ष पछि नेपाली क्रिकेट टिमले पुनः खेल्ने मौका पाउने भएको छ।
सन् २०१६ जुलाईमा पहिलो पटक मेरिलेबोन क्रिकेट क्लबसंग ( एमसीसी ) नेपालले लर्डसमा खेल्ने ऐतिहासिक मौका पाएको थियो। एमसीसीले आज जारि गरेको प्रेस विज्ञप्तिमा एमसीसीले आफ्नो टिम सहित नेपाल र नेदरल्याण्डसंग यही बर्ष जुलाईमा खेल्ने घोषणा गरेको छ।
Looking forward to some great cricket this summer against @KNCBcricket and MCC in a triangular series…
Thank you MCC for inviting Nepal cricket once gain..
EVERYONE in the U.K,see you at @HomeOfCricket pic.twitter.com/Z05OJHeCfI— Paras Khadka (@paras77) March 26, 2018
जुलाई २९ तारिकमा एकै दिन नेपाल र नेदरल्याण्ड दुवैले एमसीसी टिमसंग टि-२० खेल खेल्नेछ र सोहि दिन उत्कृस्ट हुने २ टिम बीच फाइनल खेल खेलिनेछ। खेल स्थानिय समय अनुसार बिहान १० बजे सुरु हुनेछ र फाइनल खेल बेलुका ४:३० बजे सुरु हुने एमसीसीले बताएको छ।
एमसीसीले आफ्नो वेबसाइट मार्फत नेपाल र नेदरल्याण्डले भर्खरै एकदिवसीय राष्ट्रको मान्यता पाएको र नेपाली क्रिकेट टिमले पछिल्लो केहि बर्षमा निकै प्रगति गरेको लेखेको छ। सन् २०१४ को टि-२० बिश्वकपमा सहभागिता जनाएपछि नेपाललाई आईसीसीले टि-२० अन्तर्राष्ट्रिय राष्ट्रको मान्यता दिएको समेत उसले लेखेको छ।
सन् २०१६ मा नेपालले पहिलो पटक क्रिकेटको मक्का लर्ड्समा नेपाल र इंग्ल्यान्ड बीच मित्रताको २०० बर्ष पुगेको अवसरमा ५० ओभरको खेल खेलेको थियो। उक्त खेलमा नेपालले एमसीसीलाई ४१ रनले पराजित गरेको थियो। त्यस खेलमा टस जितेर ब्याटिंग गरेको नेपालले बनाएको २१७/८ को स्कोरको जवाफमा ब्याटिंग गरेको एमसीसी टिमले १७६ रन मात्रै बनाउन सकेको थियो र ४१ रनको हार बेहोरेको थियो।
खेलमा नेपालको लागि ब्याटिंगमा ज्ञानेन्द्र मल्लले ३९, पारस खड्काले ३०, शरद भेसावकरले २७ रन बनाएका थिए भने बलिंगतर्फ बसन्त रेग्मी र सागर पुनले समान ३/३ विकेट तथा सोमपाल कामिले २ विकेट लिएका थिए। हेर्नुस खेलको स्कोरकार्ड
नेपाल र एमसीसी बीचको ऐतिहासिक खेलमा ५ हजार नेपाली दर्शकहरु उपस्थित थिए।
एमसीसीसंग खेल्ने अर्को अवसर पाउदा कप्तान पारस खड्काले खुसि ब्यक्त गरेका छन्- “क्रिकेटको घरमा एमसीसी र नेदरल्याण्डसंग खेल्न पाउदा निकै खुसि लागेको छ र लर्ड्समा खेल्न पाउनु मेरो लागि बिशेष छ जसको लागि उत्साहित छु”
सन् २०१६ मा नेपालले लर्ड्समा खेल्दाको फोटोहरु :-
