नेरीको विश्व किर्तिमानी बलिङ्ग, नेपालको तेस्रो जित : महिला विश्वकप छनोट

नेरी थापाले किर्तिमानी बलिङ्ग गर्दा आईसीसी टि-२० विश्वकप एसिया छनौट प्रतियोगिता अन्तर्गत आफ्नो चौथो खेलमा नेपालले हंगकंगलाई ४ विकेटले पराजित गरेको छ।

खेलमा टस जितेर पहिले ब्याटिंग गरेको हंगकंगले निर्धारित २० ओभरमा ८ विकेट गुमाएर ६२ रन बनाउदै नेपाललाई ६३ रनको लक्ष्य प्रस्तुत गरेको थियो। निर्धारित लक्ष्य नेपालले १८.३ ओभरमा ६ विकेट गुमाएर पुरा गरेको हो।

प्रतियोगिता अन्तर्गत नेपालले पहिलो खेलमा मलेसियालाई ३४ रनले पराजित गरेको थियो भने दोश्रो खेलमा थाईल्याण्डसंग ५७ रनले पराजित हुन पुगेको थियो। यस्तै तेस्रो खेलमा नेपालले युएईलाई ७ विकेटले पाखा लगाएको थियो।

नेरी थापाको किर्तिमानी बलिङ्ग :

टस जितेर ब्याटिंग गर्न उत्रिएको हंगकंगको सुरुवात मध्यम रहेको थियो। पहिलो विकेटका लागि २३ रन जोडेको जोडी बेल्ला पुन र यस्मीन दस्वानी दुवैलाई नेरी थापाले क्रमश ११ र १६ रनको स्कोरमा सातौँ र एघारौं ओभरमा पभेलियन फर्काउँदै नेपाललाई सफलता दिलाएकी थिइन्।

पहिलो विकेटको साझेदारी पश्चात भने नेरी थापाको धारिलो बलिङ्गमा हंगकंग जवाफ बिहिन बन्यो। लगातार अन्तरालमा विकेट गुमाएको टोलीले पुरै २० ओभर ब्याटिंग गरेपनि ६२ रन मात्र जोड्न सक्यो। उसका लागि मरिना लाम्प्लोले सर्वाधिक १९ रन, यस्मीन दस्वानीले १६ र बेल्ला पुनले ११ रन जोड्न बाहेक अन्य खेलाडीले दोहोरो अंकमा रन जोड्न सकेनन्।

नेपालका लागि बलिङ्गतर्फ नेरी थापाले सर्वाधिक ६ विकेट तथा सिता राना मगरले २ विकेट हात पारिन्। आफ्नो ४ ओभरको स्पेलमा नेरीले मात्र ८ रन खर्चेर ६ विकेट हात पारिन्। यस्तै सिताले भने ४ ओभरमा १ मेडन सहित मात्र ७ रन खर्चेर २ विकेट हात पारिन्।

नेरीको बलिङ्ग प्रदर्शन ( ४-०-८-६ ) महिला अन्तर्राष्ट्रिय टि-२० क्रिकेटको एकै इनिंगको तेस्रो उत्कृस्ट प्रदर्शन हो। महिला अन्तर्राष्ट्रिय टि-२० मा नेरी अघि ४ बलरले मात्र एकै इनिंगमा ६ विकेट हात पार्न सफल बनेका थिए। यस सुचिको तेस्रो स्थानमा पर्ने क्रममा नेरीले आन्या श्रब्सोल, झुलन घोस्वामी जस्ता अनुभवी खेलाडीलाई समेत पछि छाडिन्।

नेपालको ब्याटिंग : 

६३ रनको लक्ष्य पछ्याउने क्रममा नेपाली टोलीको सुरुवात खराब रह्यो। मात्र २४ रन जोड्न पहिलो ४ विकेट गुमाएको नेपालको इनिंगलाई अप्सरी बेगम र सरिता मगरले सम्हालिएर ब्याटिंग गर्दै अघि बढाए। अप्सरीले नेपालका लागि सर्वाधिक २४ रन तथा सरिताले अविजित १६ रन जोडिन्।

अप्सरीको विकेट पश्चात लगत्तै नेपालले रोमा थापा ( २ ) लाई समेत गुमायो। सो विकेट पश्चात नेरी थापा ( १* ) र सरिता मगर ( १६* ) ले नेपाललाई जितसम्म पुर्याए।

हंगकंगको बलिङ्गमा जस्मिन तित्मुसले सर्वाधिक ३ विकेट हात पारेपनि टोलीलाई जित दिलाउन विफल रहिन्। यस्तै क्यारी चन, यी शन् तो र मरिको हिलले समान १-१ विकेट हात पारे।





थप समाचार

महिला एसिया कप : नेपाल र युएईबीचको हेड टु हेड

काठमाडौं । एसीसी महिला एसिया कप शुक्रबारबाट श्रीलंकामा सुरु हुदैछ । प्रतियोगिताको उद्घाटन खेलमा नेपालले परिचित एसोसिएट प्रतिद्वन्दी युएईको सामना […]

क्यानले पायो डिजिटल फ्यान अवार्ड

काठमाडौं । नेपालले २०२३ को आइसीसी डिजिटल फ्यान ईन्गेजमेन्ट अवार्ड जितेको छ । नेपाल क्रिकेट संघ (क्यान) का विभिन्न सोसल […]

एसिया कपमा युएईसँग पहिलो पटक खेल्दै नेपाल

काठमाडौं । नेपालले शुक्रबार युएईविरुद्ध खेल्दै नवौं संस्करणको एसीसी महिला एसिया कप २०२४ को सुरुआत गर्दैछ । अन्य प्रतियोगितामा नेपाल […]

ओमान र स्कटल्यान्डले अंक बाडे

काठमाडौं । ओमान र स्कटल्यान्डले विश्वकप लिग टू सिरिज अन्तर्गतको खेलमा वर्षाका कारण खेल नतिजाबिहीन रुपमा सकिएपछि अंक बाडेका छन् […]

हार्दिकलाई पछि पार्दै सुर्यकुमार नयाँ कप्तान बन्दै

काठमाडौं । भर्खरै सकिएको टी-२० विश्वकपको उपाधि जितेको भारतीय टोलीको यस महिनाको अन्त्यमा हुने श्रीलंका भ्रमणमा टी-२० टोलीको कप्तानीमा सुर्यकुमार […]

नेपालको रोमान्चक जित

काठमाडौं । नेपाली महिला टोलीले तेस्रो तथा अन्तिम अभ्यास खेलमा श्रीलंका डेभलपमेन्ट टोलीलाई रोमान्चक रुपले हराएको छ । एसीसी एसिया […]