बिश्व क्रिकेट लिग च्याम्पियनशिपको पाचौं चरणको केन्या संगको खेल तालिका सार्बजनिक भएको छ l
तालिका अनुसार पाचौं चरणमा नेपालले केन्या संग फाल्गुन २८ र ३० गते त्रिभुवन विश्वविद्यालय ( टियु ) अन्तर्राष्ट्रिय क्रिकेट मैदानमा प्रतिस्पर्धा गर्नेछ l नेपालले बिश्व क्रिकेट लिगको चौथो चरणको खेल नेदरल्याण्डमा खेलेको थियो जसमा १ जित र १ हार बेहोरेको थियो l
अन्तिम पटक टीयु मैदानमा नेपालले यसै बर्ष बैशाखमा नामिबियाको सामना गरेको थियो जसको दुवै खेलमा नेपाल बिजयी भएको थियो l
लिगको चौथो चरणको खेल सकिदा नेपालले खेलेको कुल ८ वटा खेलमा ३ मा जित र ५ वटामा हार बेहोर्दै ६ अंक सहित अंक तालिकाको छैठौ स्थानमा छ l नेपाल भन्दा १ स्थान माथि रहेको केन्याको ८ खेलमा ४ जित र ४ हार सहित ८ अंक रहेको छ l तालिकाको पहिलो स्थानमा पपुवा न्यु गिनी, दोश्रोमा नेदरल्याण्ड, तेश्रोमा हंगकंग र चौथोमा स्कटल्याण्ड रहेका छन् l नेपाल भन्दा तल सातौ स्थानमा नामिबिया र आठौमा युएई रहेका छन् l
अंक तालिका
| Team | Pld | W | L | T | NR | Pts | NRR |
|---|---|---|---|---|---|---|---|
 PNG |
8 | 6 | 2 | 0 | 0 | 12 | +0.037 |
 Netherlands |
8 | 5 | 1 | 0 | 2 | 12 | +1.557 |
 Hong Kong |
8 | 5 | 2 | 0 | 1 | 11 | +1.358 |
 Scotland |
8 | 4 | 1 | 0 | 3 | 11 | +0.245 |
 Kenya |
8 | 4 | 4 | 0 | 0 | 8 | +0.014 |
 Nepal |
8 | 3 | 5 | 0 | 0 | 6 | –0.505 |
 Namibia |
8 | 1 | 7 | 0 | 0 | 2 | –0.507 |
 UAE |
8 | 1 | 7 | 0 | 0 | 2 | –1.319 |
बिश्व क्रिकेट लिगमा नेपालले छैठौ चरणमा हंगकंग संग , सातौ चरणमा युएई संग खेल्न बाँकी रहेको छ l प्रतियोगिताको शिर्ष ४ टोलि भित्र पर्ने टोलिले बंगलादेशमा संचालन हुने २०१८ को आईसीसी बिश्वकप छनौटमा सहभागिता पक्का गर्नेछ l
हंगकंग, केन्या र युएई संग खेल्न बाँकी रहेको अवस्थामा नेपाल चौथो स्थान भित्र पर्न बाँकी खेलहरु जित्नु पर्ने दबाब नेपाल सामु छ l यो अवस्थामा नेपालमै हुने खेलमा केन्यालाई पराजित गर्न सके नेपालको शिर्ष ४ भित्र पर्ने सम्भावना बढ्नेछ l बाँकी खेल तालिका यहाँ हेर्नुस
