नेपाल र कतार बीच पहिलो टि-२० अन्तर्राष्ट्रिय आज, कस्तो छ कतार टिम

नेपाली महिला राष्ट्रिय क्रिकेट टिमको कतार भ्रमण अन्तर्गत तिन वटा टि-ट्वान्टी अन्तर्राष्ट्रियको सिरिजको पहिलो खेल मंगलबार खेल्दैछ। नेपाल र कतार पहिलो पटक टि-२० अन्तर्राष्ट्रिय खेल्न लागेका हुन्।

नोभेम्बर २२ तारिख देखि युएईमा सुरु हुने टि-२० विश्वकप एसिया छनोट प्रतियोगिता अघि नेपाली टिमले अभ्यास खेलको रुपमा सिरिज खेल्न लागेको हो।

कतारको वेस्ट इन्ड पार्क अन्तर्राष्ट्रिय क्रिकेट स्टेडियममा हुने खेल नेपाली समय दिउँसो ३:४५ बजे सुरु हुनेछ। सिरिज अन्तर्गत नेपालले नोभेम्बर १७ र १८ तारिखमा अर्को दुई खेल खेल्ने तालिका छ।

नेपाली महिला राष्ट्रिय क्रिकेट टिमले पछिल्लो पटक दुई वर्ष अघि सन् २०१९ डिसेम्बरमा दक्षिण एसियाली खेलकुद ( साग ) मा अन्तर्राष्ट्रिय प्रतियोगिता र खेल खेलेको थियो। त्यसपछि कोभिड-१९ का कारण अन्य प्रतियोगितामा टीमले सहभागिता जनाउन पाएको छैन।

कतार भ्रमण गर्नु अघि नेपाली टिम बंगलादेश भ्रमणमा पुगेको थियो जहाँ बंगलादेश कृरा शिक्षा प्रतिष्ठानसंग तिन वटा टि-२० को सिरिज खेलेको थियो। उक्त सिरिज नेपालले २-१ ले जितेको थियो।

कस्तो छ कतार महिला क्रिकेट टिम ? नेपालको तुलनामा कतार महिला क्रिकेट टिम कमजोर टोलि हो जसले हालसम्म ४ वटा मात्र टि-२० अन्तर्राष्ट्रिय खेल खेलेको छ। अन्तर्राष्ट्रिय वरियता नपाएको कतारको तुलनामा नेपाल टि-२० अन्तर्राष्ट्रिय महिला वरियतामा १४ औं स्थानमा छ। नेपालसंग खेलेपछि कतार महिला क्रिकेट टिम पनि टि-२० अन्तर्राष्ट्रिय वरियतामा समाबेश हुनेछ।

गत वर्ष जनवरीमा कुवेत र ओमानसंग त्रिकोणात्मक टि-२० सिरिज खेल्दै टि-२० अन्तर्राष्ट्रिय क्रिकेटमा पदार्पण गरेको कतारले उक्त सिरिजमा खेलेको ४ वटा खेल मध्ये एक खेलमा कुवेतलाई पराजित गर्न सफल भएको थियो।

नेपाली महिला टिम : रुबिना क्षेत्री ( कप्तान ) , डली भट्ट, सिता राना मगर, करुणा भण्डारी, इन्दु बर्मा, सरिता मगर, ज्योति पाण्डे ( विकेटकिपर ) , सरस्वति चौधरी, काजल श्रेष्ठ ( विकेटकिपर ), सबनम राई, कविता कुँवर, अप्सरी बेगम, कविता जोशी, संगीता राई , प्रशिक्षक : जगत टमाटा

कतार महिला टिम : आयषा, आयशा रहमान, एन्जेलिन मरे, त्रुपति काले, अलिना खान, सचि धडवाल, खादिजा इम्तियाज, हिराल अग्रवाल, स्नेह चंदनानी ( कप्तान ) , रिज्फा बना इमानुयल, सबिजा पानायान, केरी पौसेट, श्रुतिबेन राना , रिभा शाह , शारिनावाब बहादुर





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]