- विकेटनेपाल-२६ असोज
आईसीसी टि-२० बिश्वकप छनौट प्रतियोगिता अन्तर्गत नेपालले अन्तिम खेलमा सिंगापुरसंग खेल्दैछ। यस खेलको बिजेता प्रतियोगिताको च्याम्पियन् समेत बन्नेछ।
मलेसियाको बायुमास ओभल मैदानमा नेपालले टस जितेर फिल्डिंग गर्ने निर्णय लिएको छ। नेपाल र सिंगापुर दुवै टोलि यस प्रतियोगितामा अपराजित रहेका छन्। समान १० अंक भएपनि उत्कृस्ट नेट रन रेटका आधारमा नेपाल अंक तालिकाको शिर्ष स्थानमा रहेको छ।
|| लाईभ अपडेटका लागि याहाँ क्लिक गर्नुहोस् ||
नेपाल प्लेयिंग ११ :– बिनोद भण्डारी, अनिल साह, दिपेन्द्र ऐरि, बसन्त रेग्मी, ज्ञानेन्द्र मल्ल, सन्दिप लामिछाने, ललित राजबंशी, शरद भेसावकर, पारस खड्का, सोमपाल कामी, करन केसी
सिंगापुरसंग इतिहास
सिंगापुरसंग नेपालले इतिहासमा २ वटा टि-२० खेल खेलेको छ। दुवै पटक नेपालसंग सिंगापुर सहजै पराजित भएको थियो।
सन् २००९ एसीसी टि-२० ( युएई )
पाँचौ स्थानको लागि भएको खेलमा टस जितेर ब्याटिंग गरेको सिंगापुरले १९.४ ओभरमा ८९ रनमै सबै विकेट गुमाएपछि नेपालले १४.२ ओभरमा मात्र १ विकेट गुमाएर लक्ष्य पछ्याएको थियो।
बिनोद दास ( ३.४-०-२१-३ ) र सन्जम रेग्मीले ( ४-०-१९-३ ) ३/३ विकेट लिंदै सिंगापुर इनिंग ध्वस्त बनाएका थिए। ब्याटिंगमा दिपेन्द्र चौधरीले ४९ रन ( ४० बल, ४ चौका र १ छक्का ) तथा नरेश बुढायरले ३२ रन ( ३९ बल, ३ चौका ) बनाएपछि नेपालले सहजै जित हाँसिल गरेको थियो।
सन् २०१३ एसीसी टि-२० ( नेपाल )
समुह चरणको खेलमा टस जितेर ब्याटिंग गरेको नेपालले टि-२० क्रिकेटमा पहिलो पटक र अन्तिम पटक २०० रन माथिको योगफल तयार गरेको थियो।
२० ओभरमा २१०/५ को योगफल बनाउने क्रममा बिनोद भण्डारीले विस्फोटक ५४ रन ( ३४ बल, ४ छक्का र २ चौका ) बनाएका थिए। यस्तै पारस खड्काले ४४, ज्ञानेन्द्र मल्ल र प्रदिप ऐरिले समान ३०/३० , तथा शरद भेसावकरले २६ रन बनाएका थिए।
२११ रनको बिशाल लक्ष्य पछ्याउने क्रममा सिंगापुरले ८९ रनमै सबै विकेट गुमाउन पुग्यो। बसन्त रेग्मीले ३ विकेट ( ४-१-१७-३ ) , शक्ति गौचनले २ विकेट ( ३-०-१३-२ ) लिएका थिए।
यो बाहेक ५० ओभर क्रिकेटमा नेपालले पछिल्लो पटक सिंगापुरसंग गत महिना मात्रै एसिया कप छनौटमा प्रतिस्पर्धा गरेको थियो। त्यस खेलमा नेपाल ४ विकेटले बिजयी हुँदा टस जितेर ब्याटिंग गर्दै सिंगापुरले दिएको १५२ रनको लक्ष्य ६ विकेट गुमाएर २८.१ ओभरमा पुरा गरेको थियो।
खेलमा बलिङ्गतर्फ ललित राजबंशी र सन्दिप लामिछानेले समान ३/३ विकेट तथा सोमपाल कामिले २ विकेट लिएका थिए। ब्याटिंगमा अनिल साहले ४३, दिपेन्द्र ऐरिले ३३ रन बनाएका थिए।
अझ बिस्तृतमा कुरा गर्दा सिंगापुरले नेपाललाई पराजित गरेको इतिहास छैन।
