- विकेटनेपाल-२० असोज
मलेसियामा जारि आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत आफ्नो तेस्रो खेलमा थाइल्याण्डको सामना गर्दैछ। तुलनात्मक रुपमा नेपाल भन्दा कमजोर रहेपनि थाइल्याण्ड प्रतियोगिताको अंक तालिकामा भने शिर्ष स्थानमा रहेको छ।
सन् २०२० मा अष्ट्रेलियामा संचालन हुने ट्वान्टी-२० विश्वकपको क्षेत्रिय छनौट चरण अन्तर्गत मलेसियामा जारी प्रतियोगितामा आयोजक मलेसिया र नेपाल सहित सिंगापुर, थाइल्याण्ड, भुटान, म्यान्मार र चाइना रहेका छन्। यस क्षेत्रबाट शिर्ष ३ टोलि एसियाली छनौटका लागि छानिने छन्।
प्रतियोगितामा दुई खेल खेलेको नेपाल २ जित सहित अंक तालिकाको तेस्रो स्थानमा रहेको छ। समान खेल खेल्दै समान जित निकालेको सिंगापुर नेट रन रेटका आधारमा दोस्रो स्थानमा छ। यस्तै ३ खेल खेल्दा २ जित र १ खेलमा नतिजा बिहिन रहेको थाइल्याण्ड अंकतालिकाको शिर्ष स्थानमा रहेको छ।
नेपालले प्रतियोगिताको आफ्नो पहिलो र दोश्रो खेलमा म्यानमार र मलेसियालाई समान ८ विकेटले पराजित गरेको छ। उता थाइल्याण्डले भने प्रतियोगिताको आफ्नो पहिलो खेलमा चाइनाले दिएको ३६ रनको लक्ष्य कुनै विकेट नगुमाई पुरा गरेको थियो। पहिलो खेलमा १० विकेटको जित निकालेको थाई टोलीले दोस्रो खेलमा भने बर्षा बाधक बनेपछि मलेसियासंग अंक बाडेको थियो। यस्तै तेस्रो खेलमा थाइल्याण्डले भुटान बिरुद्ध ८ विकेटको जित निकालेको थियो।
नेपाल vs थाइल्याण्ड ( बायुमास ओभल मैदान ) , ७ अक्टोबर २०१८ , समय : दिउसो १२:१५ बजे नेपाल ( मलेसिया : २:३० बजे )
इतिहास
इतिहासको कुरा गर्दा थाईल्याण्ड र नेपाल १ पटक मात्र एकअर्कासंग भेट भएका छन्। सन् १९९८ को नेपालमै सम्पन्न एसीसी ट्रफी प्रतियोगितामा दुई टिमको भेट भए पनि खेल भने वर्षाको कारण टस समेत नभई रोकिएको थियो। महिला क्रिकेट र उमेर समुह क्रिकेटमा भने थाईल्याण्डसंग नेपालले थुप्रै खेल खेल्ने गरेको छ। महिला क्रिकेटमा अघि भए पनि पुरुष क्रिकेटमा भने थाई टिम नेपालको अगाडी कमजोर मानिने गर्छ।
