- विकेटनेपाल,असोज २१
सन्दिप लामिछाने र करन केसीको सानदार प्रदर्शनमा नेपालले मलेसियामा जारि आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत आफ्नो तेस्रो खेलमा थाइल्याण्डलाई १४० रन ( डी/एल मेथड ) ले पराजित गरेको छ।
टस हारेर पहिले ब्याटिंग गर्दै नेपालले दिएको १७३ रनको बिजय लक्ष्य लिएर मैदान उत्रिएको थाइल्याण्डले ८.५ ओभरमा १८ रन बनाएर ९ विकेट गुमाउन पुग्दा वर्षाले खेल रोकिएपछि पुनः खेल सुचारु हुन नसक्दा नेपाललाई डी/एल मेथडको आधारमा बिजेता घोषित गरिएको हो।
नेपालको जितमा ब्याटिंगतर्फ प्लेयर अफ द म्याच समेत चुनिएका करन केसीले सर्वाधिक ४० रन ( १४ बल,२ चौका र ४ छक्का ) प्रहार गरे भने बलिङ्गमा सन्दिप लामिछानेले ५ तथा करन केसीले ३ विकेट हात पारे।
लगातार तेश्रो जित संगै नेपाल अंकतालिकाको शिर्ष स्थानमा उक्लेको छ। प्रतियोगिता अन्तर्गत नेपालले आगामी खेलमा मंगलबार भुटानसंग खेल्नेछ। ७ टिम सहभागी प्रतियोगिताको अंकतालिकामा उत्कृस्ट ३ भित्र पर्ने टिम २०२० टि-२० बिश्वकप एसिया छनौट प्रतियोगिता खेल्न छनौट हुनेछ।
फोटोहरुमा हेर्नुस थाईल्याण्ड र नेपालको खेल –
( फोटो – रमन शिवाकोटी- नेपाल टिम ब्यबस्थापक )
