सोनु तामांगको आक्रामक पारिले टरेन बाँकेको हार, दंगाली गोर्खाजको बिजयी सुरुवात

  • विकेटनेपाल, बैशाख ४ – मंगलबार

आर्शिवाद पेन्ट्स नेपालगन्ज कपको मंगलवार भएका दुई खेलमा एबरोल टी एम टी लुम्बिनी यात्रीज र एन आई सि एसिया दंगाली गोर्खाजले जित हासिल गरेका छन् । कोहलपुर क्रिकेट मैदानमा जारी प्रतियोगिताको दोस्रो दिन भएका खेलहरुमा दुबै बिजयी टिमहरुले ६ विकेटको जित निकालेका थिए 

पहिलो खेलमा एबरोल टि एम टी लुम्बिनी यात्रीजसँग टस हारेर पहिले ब्याटिंगको निम्तो पाएको जिसान बांके ब्लास्टरले निर्धारित २० ओभरमा ८ विकेट गुमाउदै १३८ रन बनाएको थियो । उसका कप्तान प्रज्वल शाहीले १२ रन बनाए भने सुदिप नेपाली र अख्तर हुसैनले १३/ १३ रन बनाएका थिए । छैठौ ब्याट्सम्यानको रुपमा मैदानमा प्रवेश गरेका सोनु तामाडंले भने आक्रामक पारी खेल्दै जम्मा १७ बलमा ५८ रनको अर्धशतकिय पारी खेलेका थिए । जस्मा ८ वटा छक्का र एउटा चौका प्रहार गरेका थिए । एबरोल टी एम टी लुम्बिनी यात्रीजका लागि सुनिल सुनार,बासिर एहमद र निजामुद्दिन हल्वाईले २/२ विकेट लिन सफल भए ।

१३९ रनको विजय लक्ष्य लिएर मैदानमा उत्रेको एबरोल टी एम टी लुम्बिनी यात्रीजले ७ बल अगाडी ४ विकेट गुमाएर विजय प्राप्त गरेको थियो । उसका लागि ओपनर ब्याट्सम्यान विशाल खत्रीले ४६ बल खेल्दै ६६ रन बनाएका थिए भने बसिर अहमदले १६ बल खेल्दै ३५ रन बनाएका थिए । जिसान बांके ब्लास्टरका लागि गोपाल सिंहले २ विकेट लिएका थिए । अर्धशतकिय पारी खेलेका एबरोल टी एम टी लुम्बिनी यात्रीजका ६६ रन बनाएका विशाल खत्री म्यान अफ द म्याच घोषित भएका थिए । 


त्यस्तै दोस्रो खेलमा एन आई सि एसिया दंगाली गोर्खाजले पप्पु कन्सट्रक्सन रोल्पा गोरिल्लाजलाई ६ विकेटले पराजित गरेको छ । पहिलो ईनिडंग्समा टस हारेर ब्याटिंगमा उत्रेको पप्पुु कन्स्ट्रक्सन रोल्पा गोरिल्लाजका लागि भने राम्रो सुरुवात रहेन । कप्तान सौरभ खनालले ३८ बल खेल्दै ३६ रन बनाए भने रोल्पाका उप कप्तान तथा विकेट किपर सम्मसुद्दिन अन्सारीले ११ तथा शेर ओलीले १० रन बनाए । अन्य ७ ब्याट्सम्यानले भने दोहोरो अंक जोड्न सकेनन् । दंगाली गोर्खाजको निकै आक्रमक फिल्डींगमा बलर सागर ढकालले ४ विकेट तथा बिष्णु कटारियाले ३ विकेट लिए । १८.५ ओभरमा आफनो सम्पुर्ण विकेट गुमाउदै पप्पु कन्स्ट्रक्सन रोल्पा गोरिल्लाजले ९५ रन बनाएको थियो ।

जवाफमा ९६ रनको विजय योगफल लिएर मैदानमा उत्रेको दंगाली गोर्खाजले आक्रमक ब्याटिंग गर्दै ओपनर संदिप सुनारले १९ बलमा ३६ रन बनाए भने उप कप्तान विनायक गिरी र सुजन पुनले समान १६ रन बनाए । १४ ओभरमा ४ विकेटको क्षतिमा दंगाली गोर्खाजले जित निकालेको हो । एन आई एसिया दंगाली गोर्खाजका सागर ढकाल म्यान अफ द म्याच घोषित भए ।

सोमवारबाट सुरु भएको आर्शिवाद पेन्ट्स नेपालगन्ज कपमा आज हुने पहिलो खेल एबरोल टी एम टी लुम्बिनी यात्रीज र एन आई सि एसिया दंगाली गोर्खाज र दोस्रो खेल पप्पु कन्सट्रक्सन रोल्पा गोरिल्लाज र अर्घाखाची सिमेन्ट्स बर्दिया टाईर्गस बीच हुने टुर्नामेन्ट डाईरेक्टर सौगात विक्रम शाहले जानकारी दिए । प्रतियोगिताको विजेताले एक लाख दस हजार तथा उप विजेताले साठी हजार पाउने प्रतियोगिताका प्रबन्ध निर्देशक मोहम्मद रफि एराकीले बताए ।





थप समाचार

एलपीएल : घोडाघोडी क्रिकेट एकेडेमी र शुक्लाफांटा ब्ल्याकबक्स फाउन्डेसन विजयी

कैलालीको धनगढीमा जारि लिटल फ्लावर प्रिमियर लिग (एलपिएल) को आठौँ संस्करण अन्तर्गत तेश्रो दिन सम्पन्न दुई खेलमा घोडाघोडी क्रिकेट एकेडेमी […]

लिटल फ्लावर प्रिमियर लिग : धनगढी क्रिकेट एकेडेमी र धनगढी स्पोर्ट्स क्लब विजयी

कैलालीको धनगढीमा जारि लिटल फ्लावर प्रिमियर लिग (एलपिएल) को आठौँ संस्करण अन्तर्गत दोश्रो दिन सम्पन्न दुई खेलमा धनगढी क्रिकेट एकेडेमी […]

लिटल फ्लावर प्रिमियर लिग : आयोजकको विजयी सुरुवात

कैलालीको धनगढीस्थित फाप्ला क्रिकेट मैदानमा आइतबारबाट सुरु भएको लिटल फ्लावर प्रिमियर लिग (एलपिएल)मा लिटल फ्लावर बोर्डिङ्ग स्कूलले विजयी सुरुवात गरेको […]

नेपाली क्रिकेटर कुशल भुर्तेल अष्ट्रेलिया प्रस्थान

राष्ट्रिय टिमका ओपनर ब्याटर कुशल भुर्तेल अष्ट्रेलिया प्रस्थान गरेका छन् । उनी अष्ट्रेलियन क्लबस्तरीय क्रिकेटका लागि अष्ट्रेलिया गएका हुन् । […]

केपी ओली कप : एपीएफलाई हराउदै मधेश प्रदेश फाइनलमा, उपाधिको लागि आर्मीसंग खेल्ने

विभागीय टोलि शशस्त्र प्रहरी बल ( एपीएफ ) लाई पराजित गर्दै मधेश प्रदेश पोखरामा जारि केपी ओली कप टि-२० प्रतियोगिताको […]

गुल्सनलाई समेट्दै यू-१९ एसिया कप खेल्ने नेपाली टोलीको घोषणा

सिनियर राष्ट्रिय टिमका अलराउन्डर गुल्सनकुमार झालाई समेट्दै यू–१९ एसिया कपका निम्ति नेपाली टिमको घोषणा भएको छ । युनाइटेड अरब इमिरेट्स […]