नेपाली राइनोज सेमीफाईनलमा

Nepali rhonos cricket club

टु-एक्स क्रिकेट युएसए कप प्रतियोगितामा नेपाली टिम नेपाली राइनोजले लगातार दोश्रो जित हात पार्ने क्रममा युएई फाल्कोन्सलाई ५ विकेटले पराजित गरेको छ l ( संक्षिप्त स्कोरकार्ड ) 

लगातार दोश्रो जित पछि १ खेल बाँकी रहँदै नेपाली राइनोज सेमीफाईनल पुग्ने पक्का भएको छ l

आज राती सम्पन्न अन्य खेलमा एमएसएम इंगल्याण्डले समरसेट कभालियर्सलाई पराजित गरेपछि २ खेल जित्ने नेपाली राइनोज समुह ‘ए’ मा एक मात्र टोलि हो l समुह ‘ए’ बाट बिजेता र उपविजेता टोलि सेमीफाईनल प्रवेश गर्नेछ l एमएसएम र युएई दुवैले १/१ जित र १/१ हार बेहोरेको छ भने समरसेटले दुवै खेलमा हार बेहोरेको छ l नेपाली टिमले आज राजि १२:४५ बजे समरसेट कभालियर्सको सामना गर्नेछ l

टस जितेर पुनः फिल्डिंग रोजेपछि फाल्कोन्सले पहिलो १० ओभरमा ९०/२ को स्कोर बनायो l त्यसपछि ब्याटिंग गरेको नेपाली राइनोजले १० ओभरमा ८६/२ को स्कोर बनाउन सक्यो l

पहिलो इनिंगमा ४ रनको अग्रता लिएको फाल्कोन्सले दोश्रो इनिंगमा ४७ रन मात्रै जोड्न सक्यो र पुरै विकेट गुमायो l ५२ रनको लक्ष पाएको नेपाली राइनोजले १९ औ ओभरमा कुल ५ विकेट नोक्सानीमा लक्ष पुरा गर्यो l

सुबास खकुरेल
सुबास खकुरेल

नेपाली राइनोजको लागि पारस खड्का र  शन फिंडलेले ३/३ विकेट लिए भने सोमपाल कामिले २ विकेट आफ्नो नाम गरे l बसन्त रेग्मी र रस्टि थेरोनले १/१ विकेट लिए l ब्याटिंग तर्फ फाल्कोन्सका जेसान मक्सुदले सर्बाधिक ८३ रन योगदान दिए पनि अन्य फाल्कोन्स ब्याट्सम्यान विकेटमा जम्न सकेनन् l

ब्याटिंग तर्फ नेपाली राइनोजको लागि ओपनर सुबास खकुरेलले सर्बाधिक ३९ रन बनाए जो अमजद जाबेदको बलमा बोल्ड आउट भए l यस्तै कप्तान पारस खड्काले ३३ रन बनाउदा ओपनिंग ब्याटिंग गरेका ज्ञानेन्द्र मल्लले २७ रन योगदान दिए l तेश्रो नम्बरमा ब्याटिंग गरेका शन फिंडले ११ र शरद भेसावकरले २ रन बनाउन सके l पृथु बास्कोटा र सोमपाल कामिले  अविजित रहँदै नेपाललाई जित सम्म पुर्याएका थिए l

पहिलो खेलमा नेपालले मोन्टगोमेरी स्पोर्ट्स म्यानेजमेन्ट इंग्ल्यान्डलाई ७ विकेटले पराजित गरेको थियो l

प्रतियोगिताको बिजेता टिमले ६० हजार अमेरिकी डलर तथा मित्सुबासि कार पाउनेछ l २०-२० ओभरको खेल भए पनि टु-एक्स फर्म्याट टेस्ट क्रिकेट जस्तै १०/१० ओभरको ४ इनिंगमा खेलाईएको छ l





थप समाचार

नेपालमाथी बंगलादेशको जित, बंगलादेश सुपर एटमा

काठमाडौं । बंगलादेश वेस्ट इन्डिज र अमेरिकामा जारी रहेको टी-२० विश्वकपमा नेपाललाई पराजित गर्दै सुपर एटमा प्रवेश गरेको छ । […]

नेपाली बलिङ सामू चलेन बंगलादेशको ब्याटिङ, १०६ रनमा नै अल आउट

काठमाडौं । नेपाली बलर सामू खुलेर खेल्न नसक्दा बंगलादेश वेस्ट इन्डिज र अमेरिकामा जारी रहेको टी-२० विश्वकपमा बंगलादेश १ सय […]

सन्दीपले पूरा गरे कीर्तिमानी १०० विकेट

काठमाडौं । नेपाली राष्ट्रिय क्रिकेट टोलीका पूर्व कप्तान सन्दीप लामिछानेले टी-२० आईमा कीर्तिमानी १ सय विकेट पूरा गरेका छन् । […]

सन्दीपले मौका पाउँदा करण बेन्चमा

काठमाडौं । बंगलादेशविरुद्धको आइसीसी टी-२० विश्वकपको खेलमा नेपालले गत शनिबार दक्षिण अफ्रिकाविरुद्ध खेलेको टिमबाट एक परिवर्तन गरेको छ । नेपाली […]

नेपालले टस जित्यो, पहिले बलिङ गर्दै

काठमाडौं । वेस्ट इन्डिज र अमेरिकामा जारी रहेको नवौं संस्करणको टी-२० विश्वकपको समूह चरणको अन्तिम खेलमा नेपालले बंगलादेशविरुद्ध पहिले बलिङ […]

बंगलादेशविरुद्ध नेपालको सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा समूह डी मा रहेको नेपालले समूह चरणको अन्तिम खेलमा […]