- विकेटनेपाल – ७ फाल्गुन, सोमबार
जिम्बावेमा आगामी मार्च ४ देखि २५ सम्म आयोजना हुने सन् २०१९ एक दिवसीय विश्वकपको छनौट खेलका लागि १५ सदस्यीय नेपाली टोलिको घोषणा भएको छ। रास्ट्रिय क्रिकेट टिमका ब्यबस्थापक रमन शिवाकोटीले प्रेस बिज्ञप्ति मार्फत नेपाली टोलिको घोषणा गरेका हुन्।
नामिबियामा सम्पन्न आइसीसी विश्व क्रिकेट लिग डिभिजन-२ मा सहभागी १४ खेलाडी र एक अतिरिक्त गरि १५ खेलाडीको नाम घोषणा भएको हो।
यसअघिको टोलिमा थपिएका एक अतिरिक्त खेलाडीमा बायाँ हाते स्पिन बलर ललित नारायण राजबंशी रहेका छन्। ललित पहिलो पटक सिनियर राष्ट्रिय टोलिमा परेका हुन्।
पारस खड्काको कप्तानीमा रहेको टोलीका अन्य सदस्यहरुमा आरिफ शेख, सन्दीप लामिछाने, दीपेन्द्रसिंह ऐरी, दिलीप नाथ, ललित भण्डारी, अनिलकुमार साह, रोहितकुमार पौडेल, ललित नारायण राजवंशी, ज्ञानेन्द्र मल्ल, शक्तिप्रसाद गौचन, बसन्त रेग्मी, शरद भेषावकर, सोमपाल कामी र करण केसी रहेका छन्।
उता डिभिजन-२ का लागि प्रारम्भिक खेलाडीको सुचिमा समेत नअटाएका बिनोद भण्डारीभने जिम्बावेमा हुने प्रतियोगिताका लागि बैकल्पिक खेलाडीको सुचिमा परेका छन्। बिनोद भण्डारीसंगै बैकल्पिक खेलाडीको सुचिमा सुनिल धमला, किशोर महतो र सिद्धान्त लोहनी रहेका छन्।
नेपालि टोलि : पारस खड्का (कप्तान), ज्ञानेन्द्र मल्ल (उपकप्तान), आरिफ शेख, सन्दीप लामिछाने, दीपेन्द्रसिंह ऐरी, दिलीप नाथ, ललित भण्डारी, अनिलकुमार साह, रोहितकुमार पौडेल, ललित नारायण राजवंशी, शक्तिप्रसाद गौचन, बसन्त रेग्मी, शरद भेषावकर, सोमपाल कामी, करण केसी
बैकल्पिक खेलाडी : बिनोद भण्डारी, सिद्धान्त लोहनी, सुनिल धमला, किशोर महतो
जिम्बावेमा हुने २०१९ एकदिवसीय बिश्वकप छनौट प्रतियोगितामा नेपालसंगै समूह “बि” मा अफगानिस्तान, जिम्बाबे, स्कटल्याण्ड र हंगकंग रहेका छन्। प्रतियोगिता अन्तर्गत नेपालले आफ्नो पहिलो खेलमा घरेलु टोलि जिम्बावे बिरुद्द मार्च ४ तारीखमा खेल्ने छ। यस्तै लिग चरणको दोस्रो खेलमा नेपालले ८ मार्चमा स्कटल्याण्डको सामना गर्नेछ। लिग चरणका अन्तिम दुई खेलमा नेपालले मार्च १० मा अफगानिस्तान र १२ तारिखमा हंगकंगको सामना गर्नेछ।
