काठमाडौं । नवौं संस्करणको एसीसी महिला एसिया कपमा सहभागीताका लागि श्रीलंकामा रहेको नेपाली महिला क्रिकेट टोलीले दोस्रो अभ्यास खेल आज (बुधबार) खेल्दैछ ।
नेपाली टोलीले दोस्रो अभ्यास खेलमा श्रीलंका डेभलभमेन्टसँग नेपाली समय अनुसार बुधबार बिहान सवा दशमा खेल्दैछ ।
पहिलो अभ्यास खेलमा मंगलबार नेपाल यसै टोलीसँग ३३ रनले पराजित भएको थियो ।
नवौं संस्करणको एसिया कप आगामी जुलाई १९ देखि २८ सम्म श्रीलंकामा हुदैछ । यस संस्करणको प्रतियोगितामा आठ टोलीको सहभागीता छ । सहभागी आठ टोलीलाई दुई समूहमा विभाजन गरिएको छ ।
नेपाल समूह ए मा छ । यस समूहमा नेपाल, भारत, पाकिस्तान र युएई छन् । युएईसँग खेल्दै नेपालले प्रतियोगिताको सुरुआत गर्ने छ ।
प्रतियोगिताको समूह बी मा आयोजक श्रीलंका, बंगलादेश, मलेसिया र थाइल्यान्ड रहेका छन् । हरेक समूहका शीर्ष दुई राष्ट्रले सेमिफाइनलमा स्थान बनाउँनेछन् । सेमिफाइनलका दुवै खेल २६ जुलाईमा हुनेछ । दुवै सेमिफाइलका विजेताबीच २८ जुलाइमा फाइनल खेल हुनेछ ।
