क्याम प्रिमियर लिग : तराई टाइगर, लुम्बिनी, कङ्गारु र हाम्रो यूथ क्लब विजयी

तराई टाइगर स्पोर्ट्स क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेट प्रतियोगितामामा ६८ रनको फराकिलो जित निकालेको छ । १ सय ६४ रनको चुनौती पूर्ण लक्ष्य पाएको द रोयल खुकुरी क्लब १५ दशमलव २ ओभरमा ९५ रनमै समेटियो । उसलाई सस्तैमा समेट्न तराई टाइगरका विकेशले किफायती बलिङ गर्दै ४ ओभरमा मात्र १३ रन दिएर महत्त्वपूर्ण ४ विकेट लिए । द रोयल खुकुरीका प्रज्वलले ३० र असीमले १९ रन बनाए ।

त्यस अघि ब्याटिङ थालेको तराई टाइगरका मदन लामाले ४४ र मायानन्दले टिमलाई ३४ रनको योगदान दिएपछि द रोयल खुकुरी सामु बलियो लक्ष्य प्रस्तुत गर्न पुगेका थिए । रोयल खुकुरीका पीयूष ३ विकेट लिन सफल भए । ४४ रन र बलिङ तर्फ १ विकेट समेत लिएका मदन लामा खेलको प्लेयर अफ दी म्याच चुनिए ।

अर्को खेलमा लुम्बिनी क्रिकेट क्लबका बलर चम्किए पछि एइ ग्लोब क्रिकेट क्लब ३६ रनले पराजित भयो । १ सय ३७ रनको विजयी लक्ष्य पछ्याएको एइ ग्लोब क्रिकेट क्लब १० ओभरमै अल आउट हुन पुग्यो । उसलाई सस्तैमा समेट्न ४/४ ओभर बलिङ गरेका लुम्बिनीका हेमन्तले ११ रन दिएर ३ र विकासले १६ रन दिएर ३ विकेट तथा सीमान्तले २ विकेट लिए । एइ ग्लोबलका सफ्रोजले ३२ रन बनाए ।

त्यस अघि पहिलो पारीमा साहीलको ३८ र सञ्जयको ३० तथा सरोजको २१ रनको मद्दतले २० ओभरमा लुम्बिनी १ सय ३७ रन जोड्न सफल भयो । बलिङ तर्फ एइका विजय, भुवन र विवेकले समान २/२ विकेट लिए । खेलको प्लेयर अफ दी म्याच हेमन्त आचार्य घोषित भए ।

शुक्रबार भएको अर्को खेलमा द कङ्गारु क्रिकेट क्लबले सिम्रिक ब्याइजलाई सुपर ओभरमा पराजित गर्‍यो । पहिले ब्याटिङ गरेको सिम्रिकले निर्धारित २० ओभरमा ५ विकेट गुमाएर १ सय १७ बन बनाएको थियो । १ सय १८ रनको लक्ष्य पछ्याएको कङ्गारु पनि २० ओभरमा ८ विकेट गुमाएर १ सय १७ रनमै रोकिन पुग्यो । उसका शैलेस हमालले ५४ बलमा ६८ रनको उत्कृष्ट पारी खेले । बलिङ तर्फ सिम्रिकका आकाशले ३ र किरणले २ विकेट लिए ।

त्यस अघि ब्याटिङ गरेको सिम्रिकले किरणको ३३, आकाशको १९ र निश्चलको ११ रनको मद्दतले १ सय १७ रन बनाएको थियो । खेलको प्लेयर अफ दी म्याच कङ्गारुका शैलेस हमाल चुनिए ।

सोही दिन भएको अर्को खेलमा साहील र निश्चलको उत्कृष्ट ब्याटिङको मद्दतले हाम्रो यूथ क्रिकेट क्लबले विशाल जित निकाल्यो । साहिलले ९७ र निश्चलले ६५ रनको सानदार पारी खेलेपछि बाउन्ड्री लाइन क्रिकेट क्लब १ सय १४ रनले पराजित भयो ।

पहिले ब्याटिङ थालेको हाम्रो यूथले निर्धारित २० ओभरमा ८ विकेट गुमाएर २ सय १४ रन बनायो । २ सय १५ रनको विशाल लक्ष्य पछ्याएको बाउन्ड्री लाइन १६ दशमलव २ ओभरमा १० विकेट गुमाएर १ सय रनमा समेटियो । उसका राजुले २७ र ग्यानुले २५ रन बनाए । बलिङ तर्फ हाम्रो यूथका एडमले ४, रेजिओनले ३ र साहीलले २ विकेट लिए ।

त्यस अघि हाम्रो यूथलाई विशाल योगफल तयार पार्न साहिल थापाले ४८ बलमा ९७ रनको सानदार पारी खेले । उसका निश्चलले ३१ बलमा ६५ रन बनाए । बलिङ तर्फ बाउन्ड्री लाइनका विशाल र विवेकले समान ३/३ विकेट लिन सफल भए । खेलको प्लेयर अफ दी म्याच शतकबाट चुकेका साहील थापा भए ।





थप समाचार

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]

गायकवाडको शतकमा लखनाउलाई २११ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा कप्तान ऋतुराज गायकवाडको शतकको सहयोगमा चेन्नई सुपर किंग्सले […]

गणेशमान सिंह राष्ट्रिय टी-२० च्याम्पियनशिप : बागमती र मधेशको जित

काठमाडौं । राजधानीमा संचालन भैरहेको पहिलो वीर गणेशमान सिंह राष्ट्रिय टी-२० च्याम्पियनशिप अन्तर्गत मंगलवारको भएको खेलमा मधेश प्रदेश र बागमती […]