संगित सिंहको उत्कृष्ट प्रदर्शनमा एडुपल नेपालको पहिलो जित

२६,असार,धनगढी।

एडुपल नेपालको आयोजनामा आजदेखी धनगढीको फाप्ला क्रीकेट मैदानमा सुरु भएको प्रथम एडुपल नेपाल र चटकपुर स्पोर्टस क्लव नेपालबीचको ३ टी-२० खेलको सिरिजको पहिलो टी-२० खेलमा एडुपल नेपालका संगित सिंहले उत्कृष्ट प्रदर्शन गरेपछि चटकपुर स्पोर्टस क्लव नेपाललाई ७३ रनको फराकिलो अन्तरले पराजित गर्दै ३ टी-२० खेलको सिरिजमा १-० ले अग्रता लिन पनि सफल भएको छ।

आज दिउँसो फाप्ला क्रीकेट मैदानमा भएको पहिलो टी-२० खेलमा आयोजक एडुपल नेपालले टस जित्दै पहिला ब्याटिङ गर्ने निर्णय लिएको हो।फलस्वरूप, एडुपल नेपालले निर्धारित २० ओभरको खेलमा १९.५ ओभर खेल्दै सम्पुर्ण विकेटको क्षती १४७ रन बनाउन सफल भयो।ब्याटिङमा एडुपल नेपालका लागि विशाल बिष्टले ३३ बलमा सर्वाधिक २६ रन बनाउदा आयुश ऐर २७ बलमा २३ रन , कप्तान भुपेश जोशी १७ बलमा २२ रन तथा रवि बुढाले ०५ बलमा आक्रामक ११ रनको महत्त्वपूर्ण पारी खेल्न सफल भए। बलिङतर्फ चटकपुर स्पोर्टस क्लव नेपालका लागि मुकेश कार्कीले ४ ओभरमा २१ रन खर्चंदै सर्वाधिक ४ विकेट लिन सफल हुँदा मनिष सिंहले ४ ओभरमा २१ रन खर्चंदै महत्त्वपूर्ण २ विकेट लिन सफल भए।

१४८ रनको विजयी लक्ष्य पछ्याउँदै मैदान उत्रेको चटकपुर स्पोर्टस क्लव नेपालले निर्धारित २० ओभरको खेलमा १५.४ ओभर खेल्दै सम्पुर्ण विकेट क्षती मात्रै ७४ रन बनाउनसक्दा खेल ७३ रनको फराकिलो अन्तरले गुमाउन पुग्यो।ब्याटिङतर्फ चटकपुर स्पोर्टस क्लव नेपालका लागि मुकेश कार्कीले १४ बलमा सर्वाधिक २२ रन बनाउदा कप्तान सन्दिप औजिले १३ बलमा १६ रन बनाउनुबाहेक अन्य खेलाडीले उल्लेख्य प्रदर्शन गर्ननसक्दा खेल गुमाउनुपरेको टोलिका उपकप्तान मुकेश कार्कीले बताउनुभयो।बलिङतर्फ एडुपल नेपालका लागि संगित सिंहले २.४ ओभरमा मात्रै ०३ रन खर्चंदै ह्याटि्रक सहित सर्वाधिक ४ विकेट लिन सफल हुँदा कप्तान भुपेश जोशीले ४ ओभरमा २१ रन खर्चंदै महत्त्वपूर्ण २ विकेट लिन सफल हुँदै खेल ७३ रनको फराकिलो अन्तरले जिताउन सफल भए।

एडुपल नेपाल र चटकपुर स्पोर्टस क्लव नेपाल बीचको ३ टी-२० खेलको सिरिजको पहिलो खेल ७३ रनको फराकिलो अन्तरले जित्न सफल हुँदै सिरिजमा १-० ले अग्रता लिन सफल भयो।पहिलो टी-२० खेलमा उत्कृष्ट बलिङ्ग प्रदर्शन गरेका एडुपल नेपालका बलर संगित सिंह म्यान अफ दी म्याच घोषित हुन सफल भए।

३ टी-२० सिरिज अन्तर्गत दोश्रो टी-२० खेल पर्सि मंगलबार बिहान ०९:३० बजे धनगढीको फाप्ला क्रीकेट मैदानमा सुरु हुने आयोजक एडुपल नेपालका प्रवन्धक टेक पन्त ज्यूले बताउनुभयो।





थप समाचार

नेपालसॅंग खेल्नु अघि बंगलादेश अमेरिकासॅंग पराजित

काठमाडौ । आगामी महिना हुने टी-२० विश्वकपमा नेपालसॅंग खेल्नु अघि बंगलादेश अमेरिकासॅंग पराजित भएको छ । बंगलादेशविरुद्धको तीन खेलको टि-२० […]

हैदराबादलाई हराउँदै कोलकाता फाइनलमा

काठमाडौं । १७ औं संस्करणको इन्डियन प्रिमियर लिग (आइपीएल) को पहिलो क्वालिफायर खेलमा सनराइजर्स हैदराबादलाई हराउँदै कोलकाता नाइट राईडर्सले फाइनलमा […]

कोलकातासामु हैदराबादको चलेन ब्याटिङ, १५९ रनमा नै अल आउट

काठमाडौं । १७ औं संस्करणको इन्डियन प्रिमियर लिग (आइपीएल) को पहिलो क्वालिफायर खेलमा कोलकाता नाइट राईडर्सको बलरसामू चल्न नसक्दा सनराइजर्स […]

सन्दीप अमेरिका जाने विषयमा यस्तो भन्छन् क्यान अध्यक्ष

काठमाडौं । नेपाली क्रिकेट टिमका पुर्वकप्तान सन्दीप लामिछाने केही दिनमा टी२० विश्वकपमा सहभागी हुन अमेरिका प्रस्थान गर्ने भएका छन् । […]

यसरी छानिएका थिए विश्वकप खेल्ने २० राष्ट्र…

काठमाडौं । आगामी महिना अमेरिका र वेस्ट इन्डिजमा संयुक्त रुपमा आयोजना हुने टी-२० विश्वकपमा पहिलो पटक २० देशबीच प्रतिस्पर्धा हुदैछ […]

फ्रेजरलाई समेट्दै अस्ट्रेलियाको विश्वकप टोली घोषणा

काठमाडौं । इन्डियन प्रिमियर लिग (आइपीएल) मा शानदार प्रदर्शनका कारण चर्चामा रहेका ज्याक फ्रेजरलाई समेट्दै आगामी जुनमा अमेरिका र वेस्ट […]