- विकेटनेपाल १३ मङ्सिर, काठमाण्डौ
मिलानो नेक्सस कप यू-१६ टि-२० क्रिकेट प्रतियोगिताको बिहिवार सम्पन्न सेमिफाइनल खेलहरुमा जित दर्ता गर्दै युनाइटेड क्रिकेट एकेडेमी बिरगंज र सनराईज क्रिकेट एकेडेमी महेन्द्रनगर फाइनल प्रवेश गरेका छन।
मुलपानी क्रिकेट मैदानमा बिहिबार सम्पन्न पहिलो खोलमा युनाइटेड क्रिकेट एकेडमी बिरगंजले चितवन क्रिकेट एकेडेमीलाई ६ विकेटले पराजित गर्यो। टस जितेर ब्याटिंगमा उत्रिएको चितवनले २० ओभरमा ९ विकेटको नोक्सानीमा १२१ रन बनाएको थियो। चितवनका राम कार्कीले ३०, बिकल गुप्ताले २७ रन बनाएका थिए।
बलिङ तर्फ बिरगंजका ब्यास यादव, अभय सिंह, निखिल सिंह, सम्साद अलि र इमरान शेखले समान १/१ बिकेट लिएका थिए।
जवाफी ब्याटिङमा उत्रिएको बिरगंजले १७.२ ओभरमा ४ विकेट गुमाएर लक्ष्य पुरा गर्यो। बिरगंजका लागि प्लेयर अफ दि म्याच घोषित सैफ अलिले ९ चौका प्रहार गर्दै ४७ रन बनाएका थिए।
बलिङ तर्फ चितवनका आयुष लम्सालले २ विकेट लिएपनि जित दिलाउन सकेनन्।
दिनको दोस्रो खेलमा आयोजक नेक्सस क्रिकेट एकेडेमीलाई महेन्द्रनगरले ७ विकेटले पराजित गर्यो। टस जितेर ब्याटिङमा उत्रिएको नेक्ससले १७ ओभरमा १० विकेट गुमाएर ९४ रनमै समेटिएको थियो। नेक्ससका ओप्रकास शाहले १८ र क्रिस कार्कीले १२ रन बनाउदा अन्य ब्याट्सम्यानले दोहोरो अंक बनाउन सकेका थिएनन्।
महेन्द्रनगरको बलिंगमा म्यान अफ दि म्याच घोषित बलर राहुल भण्डारीले ४ विकेट हात पारे। यस्तै प्रेम धामीको नाममा ३ विकेट रह्यो।
जवाफी ब्याटिङमा महेन्द्रनगरले १३.१ ओभरमा ३ विकेटको नोक्सानीमा लक्ष्य पुरा गर्यो। उसका लागि सुबोध ऐरले ४१ र अनुप चन्दले १९ रन बनाएका थिए।
प्रतियोगिताको फाईनल खेल शुक्रवार बिरगंज र महेन्द्रनगरका बीच मुलपानी मैदानमा खेलिने छ। प्रतियोगिताको बिजेताले १ लाख ११ हजार १ सय १ रुपैया बराबरको खेल सामाग्री, ट्रफी, मेडल पाप्त गर्ने छन भने उप बिजेताले ६१ हजार १ सय १ रुपैया बराबरको खेल सामाग्री, ट्रफी, मेडल पाप्त गर्ने छ।
