- विकेटनेपाल, बैसाख ६ – बिहिबार
इन्डियन प्रिमियर लिग (आइपिएल) क्रिकेट अन्तर्गत गएराती भएको खेलमा राजस्थान रोयल्सलाई पराजित गर्दै कोलकाता नाइटराइडर्स अंकतालिकाको शिर्ष स्थानमा उक्लिएको छ भने राजस्थान भने पाचौं स्थानमा यथावत रहेको छ ।
राजस्थानले दिएको १६४ रनको लक्ष्य पछ्याएको कोलकत्ताले ७ बल अगावै मात्र ३ विकेट गुमाएर पुरा गरेको थियो । क्रिस लिनलाई मात्र १ रनमा गुमाएको उसका लागि सुनिल नारायणले ३५ रन (२५ बल, ५ चौका, १ छक्का) र रबिन उथ्थापाले ४८ रन (३६ बल, ६ चौका, २ छक्का) बनाउंदै दोश्रो विकेटको लागि ६९ रन तथा चौथो विकेटको लागि कप्तान दिनेश कार्तिकले अविजित ४२ रन (२३ बल, २ चौका, २ छक्का) र नितिश रानाले ३५ रन (२७ बल, २ चौका, १ छक्का) बनाउंदै ६१ रनको साझेदारी गरेका थिए ।
बलिंगतर्फ राजस्थानका लागि कृष्णप्पा गोव्थाम एकमात्र विकेट लिएका बलर रहे जसले ४ ओभरमा २३ रन खर्चिएर २ विकेट लिएका थिए ।
यसअघि टस हारेर पहिले ब्याटिंग गरेको राजस्थानले उत्कृस्ट सुरुवातका बाबजुत २० ओभरमा ८ विकेट गुमाएर १६० रन मात्र बनाउन सक्यो । उसका लागि कप्तान अजिंक्या रहानेले ३६ रन (१९ बल, ५ चौका, १ छक्का) र डार्सी सर्टले ४४ रन (४३ बल, ५ चौका, १ छक्का) प्रहार गर्दै पहिलो विकेटको लागि ५४ रनको साझेदारी गरेका थिए । जोश बटलरले १८बलमा २४ रन बनाए ।
बलिंगतर्फ कोलकत्ताका नितिश रानाले २ विकेट लिन २ ओभरमा ११ रन तथा टोम करनले समान २ विकेट लिन २ ओभरमा १९ रन खर्चिए ।
खेलमा अविजित ३५ रन बनाउनुका साथै २ महत्त्वपुर्ण विकेट लिएका नितिश राना म्यान अफ द म्याच चुनिए ।
अंकतालिका
