नेदरल्यान्ड्समाथि दक्षिण अफ्रिकाको जित

काठमाडौं । दक्षिण अफ्रिकाले वेस्ट इन्डिज र अमेरिकामा जारी नवौं संस्करणको टी-२० विश्वकपको सोह्रौं खेलमा नेदरल्यान्ड्सलाई पराजित गरेको छ ।

अमेरिकाको न्युयोर्कमा आफ्नो दोस्रो खेलमा पनि जित निकालेको दक्षिण अफ्रिका ४ विकेटले विजयी भयो ।

नेदरल्यान्ड्सले दिएको १ सय ४ रनको लक्ष्य दक्षिण अफ्रिकाले १८ दशमलब ५ ओभरमा ६ विकेट गुमाएर पूरा गर्यो ।

दक्षिण अफ्रिकाको जितमा डेबिड मिलरले ५१ बलमा ३ चौका र ४ छक्काको सहयोगमा अविजित ५९ रनको अर्धशतकीय ईनिङ खेले । ट्रिस्टन स्टब्सले ३७ बलमा १ चौका र १ छक्काको सहयोगमा ३३ रन बनाए । मिलर र स्टब्सले पाँचौ विकेटका लागि ७२ बलमा ६५ रनको साझेदारी गर्दै टोलीलाई जितको आधार तय गरे ।

नेदरल्यान्ड्सका लागि लगन भान बिक र भिभियन किंग्माले समान दुई दुई तथा बास डि लिडेले एक विकेट लिए ।

त्यसअघि टस हारेर पहिले ब्याटिङ गरेको नेदरल्यान्ड्सले २० ओभरमा ९ विकेट गुमाएर १ सय ३ रन बनाएको हो ।

नेदरल्यान्ड्सका लागि साईब्रान्ड एङ्गलब्रेथले ४५ बलमा २ चौका र १ छक्काको सहयोगमा ४० रन बनाए । लगन भान बिकले २२ बलमा २३ तथा विक्रमजित सिंहले १२ रन बनाए । सातौं विकेटका लागि एङ्गलब्रेथ र भान बिकले ४५ बलमा ५४ रनको साझेदारी गर्दै टोलीलाई मध्यम योगफलसम्म पुर्याएका थिए ।

दक्षिण अफ्रिकाका लागि ओटनिल ब्राटम्यान चार तथा मार्को यानसन र एनरिक नोर्कियाले समान दुई दुई विकेट लिए ।

दुई खेलमा चार अंक जोडेको दक्षिण अफ्रिका समूह डी को शीर्ष स्थानमा कायमै छ । नेदरल्यान्ड्स दोस्रो खेलमा पहिलो हारका साथ तेस्रो स्थानमा झरेको छ ।





थप समाचार

ccc

आयरल्यान्डलाई हराउँदै सुपर आठमा पुग्ने लक्ष्यमा अमेरिका

काठमाडौं । वेस्ट इन्डिज र अमेरिकामा जारी आईसिसी टी–२० विश्वकप क्रिकेट अन्तर्गतको ३० औं खेलमा शुक्रवार अमेरिका र आयरल्यान्डबीच भिड्दै […]

दक्षिण अफ्रिका र नेपाल पहिलो पटक भिड्दै

काठमाडौं । नेपाल र दक्षिण अफ्रिका अन्तर्राष्ट्रिय क्रिकेटको इतिहासमा पहिलो पटक भिड्ने भएका छन् । वेस्ट इन्डिज र अमेरिकामा जारी […]

७ महिना पछि नेपाली जर्सीमा फर्कदै सन्दीप

काठमाडौं । नेपाली राष्ट्रिय पुरुष क्रिकेट टोलीका पुर्व कप्तान तथा लेग स्पिनर सन्दीप लामिछाने ७ महिना १० पछि नेपाली टोलीको […]

दक्षिण अफ्रिकाविरुद्ध नेपाल सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेको नेपालले दक्षिण अफ्रिकाको […]

दक्षिण अफ्रिकाविरुद्ध उमेर समूहको नतिजा दोहोर्याउने लक्ष्यमा नेपाल

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा शनिबार बिहान समूह डी मा रहेका नेपाल र दक्षिण […]