पुलिसलाई डेब्युमै स्वर्ण, नेरी प्रतियोगिताकै उत्कृस्ट

रोमान्चक फाइनलमा एपीएफलाई ५ रनले पराजित गर्दै विभागीय टोलि नेपाल पुलिस क्लबले पहिलो सहभागितामै नवौं राष्ट्रिय खेलकुद महिला क्रिकेटको स्वर्ण पदक जितेको छ। एपीएफले रजत तथा बागमती प्रदेशले कास्यपदक जित्यो।

पोखरा रंगशालामा सम्पन्न फाइनलमा नेपाल पुलिस क्लबले दिएको ९० रनको लक्ष्य पछ्याएको एपीएफले पुरै २० ओभर ब्याटिंग गरेता पनि ७ विकेट क्षेतीमा ८४ रन मात्र बनाउन सक्यो।

लक्ष्य पछ्याउने क्रममा एपीएफको सुरुवात खराब रह्यो। ३२ रन बनाउदा उसले सुरुवाती ४ विकेट गुमायो। छैठौं नम्बरमा आएकी रोमा थापाले एक किनार समाल्दै इनिंग्स सम्हालिन्। जितको लागि ८ बलमा १५ रन आवस्यक हुँदा रोमालाई अप्सरी बेगमले रन आउट पारिन्। अन्तिम ओभरमा जित्न १३ रन आवस्यक हुँदा सबनम राईले ७ रन मात्र खर्चिदै टिमको स्वर्णपदक पक्का गरिन्।

रोमाले २६ तथा राजमती ऐरीले अविजित १२ रन बनाउनु बाहेक अन्य एपीएफ ब्याटरले दोहोरो अंकमा रन बनाउन सकेनन्। माथिल्लो क्रममा एपीएफ ब्याटर सिता राना मगरले ३० बलमा मात्र ७ रन तथा ममता चौधरीले २१ बलमा मात्र ९ रन बनाउनु हारको प्रमुख कारण बन्यो। पहिलो १४ ओभरमा एपीएफले ५० रन मात्र बनाउदा तल्लो क्रमको ब्याटरलाई दबाब पर्यो।

पुलिसको बलिंगमा इश्वरी बिस्टले महत्वपूर्ण २ विकेट हात पारिन् र प्लेयर अफ द म्याच समेत घोषित भईन्। उनले कप्तान सिता राना मगर र इन्दु बर्माको विकेट लिईन्।

यस अघि टस जितेर ब्याटिंग गरेको पुलिसले २० ओभरमा ४ विकेट गुमाएर ८९ रन बनायो। उसको लागि ओपनर काजल श्रेष्ठले २७, सम्झना खड्काले २१ तथा कविता जोशीले अविजित १३ रन योगदान दिए।

एपीएफ बलर नेरी थापा, इन्दु बर्मा र सिता राना मगरले १/१ विकेट लिए।

Nary Thapa of APF ( Player of the Series )

प्रतियोगिताकै उत्कृस्ट खेलाडी एपीएफ अलराउण्डर नेरी थापा घोषित भईन्।

आजै सम्पन्न कास्यपदकको लागि भएको खेलमा बागमती प्रदेशले लुम्बिनी प्रदेशलाई ७ विकेटले पराजित गर्यो।





थप समाचार

चेन्नईमाथि लखनाउको जित

काठमाडौं । चेन्नई सुपर किंग्समाथि १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउ सुपर जायन्ट्सले जित निकालेको छ […]

जडेजाको अर्धशतकमा लखनाउलाई १७७ रनको लक्ष्य

काठमाडौं । अलराउन्डर रविन्द्र जडेजाको अर्धशतकको सहयोगमा चेन्नई सुपर किंग्सले १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउलाई […]

कोशीमाथि बागमतीको रोमान्चक जित

काठमाडौं । काठमाडौं जारी वीर गणेशमान सिंह राष्ट्रिय टी-२० च्याम्पियनशिप अन्तर्गत चौथो दिनको पहिलो खेलमा बागमती प्रदेशले रोमाञ्चक जित दर्ता […]

युएईसंग पराजित हुँदा नेपाल एसिया कप छनोट हुन असफल

काठमाडौं । नेपाललाई स्तब्ध पार्दै ओमानमा जारी दोस्रो संस्करणको एसीसी मेन्स प्रिमियर कपको युएई सेमिफाइनल प्रवेश गरेको छ । यो […]

सन्दीपको अर्धशतकमा युएईलाई १२० रनको लक्ष्य

काठमाडौं । ओमानमा जारी दोस्रो संस्करणको एसीसी मेन्स प्रिमियर कपको पहिलो सेमिफाइनल खेलमा नेपालले सन्दीप जोराको अर्धशतकको सहयोगमा युएईलाई १ […]

नेपालले टस हार्यो, सोमपाल टिममा फर्किए

काठमाडौं । एसीसी मेन्स प्रिमियर कप २०२४ को पहिलो सेमिफाइनल खेलमा युएईविरुद्ध नेपालले टस हारेको छ । युएईका कप्तान मुहम्मद […]