मङ्सिर १५ देखि पुष ६ सम्म आयोजना हुने नेपाल प्रिमियर लिग (एनपीएल)का फ्रेन्चाइज टिम मालिकहरूको टुंगो लागेको छ ।
नेपाल क्रिकेट संघ (क्यान)ले बिहीबार आयोजना गरेको खुला बिडिङमा विभिन्न शहरहरूको फ्रेन्चाइजका लागि बिभिन्न बोलि लागेको छ।
पोखराको फ्रेन्चाइजका लागि नेपाल टी–२० प्रालिले सबैभन्दा उच्च बोली लगाएको छ, जसको मूल्य ३ करोड ५७ लाख रुपैयाँमा टिम हात पारेको छ।
काठमाडौंको फ्रेन्चाइज कान्तिपुर पब्लिकेसन्सले ३ करोड ३३ लाख ३३ हजार ३३९ रुपैयाँमा प्राप्त गरेको छ।
जनकपुरको फ्रेन्चाइज ड्रिम्स स्पोर्टसले २ करोड ५ लाख रुपैयाँको बोली दिएर प्राप्त गरेको छ। लुम्बिनीको फ्रेन्चाइज फर्टुना हेल्थ केयरले १ करोड ८६ लाख ४ रुपैयाँमा प्राप्त गरेको छ भने सुदूरपश्चिमको फ्रेन्चाइज इम्पायर स्पोटर्सले १ करोड ६८ लाख ८८ हजार ८८८ रुपैयाँमा प्राप्त गरेको छ।
चितवनको फ्रेन्चाइज चितवन मेडिकल कलेजले १ करोड ७६ लाख १ हजार रुपैयाँमा प्राप्त गरेको छ र बिराटनगरको एमएडी ड्रिम्स स्पोर्टसले १ करोड ५१ लाख रुपैयाँमा प्राप्त गरेको छ।
कर्णालीको फ्रेन्चाइजका लागि हिमालयन बिल्डर्सले १ करोड ११ लाख ७० हजार रुपैयाँको बोली लगायो, जुन सबैभन्दा कम रकम हो।
एनपीएलको आगामी संस्करणमा ८ वटा टिम खेल्नेछन्। खुला बिडिङमा १६ वटा आवेदन प्राप्त भएका थिए र ८ वटा फ्रेन्चाइजहरूको कुल बिक्री मूल्य १६ करोड ८८ लाख ९३ हजार २३१ रुपैयाँ पुगेको छ।
