सूर्यकुमार यादवको शतक मद्दतले घरेलु टोलि न्युजिल्यान्डलाई ६५ रनले पराजित गर्दै भारतले तिन खेलको टि-ट्वान्टी अन्तर्राष्ट्रिय सिरिजमा १-० को अग्रता हाँसिल गरेको छ। सिरिजको पहिलो खेल वर्षाका कारण टस समेत नभई रद्द भएको थियो।
बे ओभल मैदानमा भारतले दिएको १९२ रनको लक्ष्य पछ्याएको न्युजिल्यान्डले १८.५ ओभरमा १२६ रन मात्र बनायो। न्युजिल्यान्डको लागि कप्तान केन विलियमसनले सर्वाधिक ६१ तथा डेभोन कनवेले २५ रन बनाए।
भारतीय बलर दिपक हुडाले सर्वाधिक ४ विकेट लिए जुन क्रममा २.५ ओभरमा १० रन खर्चिए। युजभेन्द्र चहल र मोहम्मद सिराजले २/२ विकेट तथा भुवनेश्वर कुमार र वासिंगटन सुन्दरले १/१ विकेट लिए।
टस हारेर ब्याटिंग गरेको भारतले २० ओभरमा ६ विकेट क्षेतीमा १९१ रन बनायो।
भारतको लागि तेश्रो नम्बरमा ब्याटिंग गरेका सुर्यकुमार यादवले करियरको दोश्रो शतक बनाउने क्रममा अविजित १११ रन बनाए। उनले ४९ बलमा शतक प्रहार गर्ने क्रममा ५१ बलमा ११ चौका र ७ छक्का प्रहार गरे। एकै वर्ष दुई वटा टि-ट्वान्टी अन्तर्राष्ट्रिय शतक बनाउने उनि रहित शर्मा पछि दोश्रो भारतीय ब्याट्सम्यान बनेका छन्। रोहितले सन् २०१८ मा दुईवटा शतक बनाएका थिए। यसै वर्ष सूर्यकुमारले जुलाईमा इंग्ल्यान्ड विरुद्ध शतक बनाएका थिए।
भारतीय ओपनर इशान किशनले ३६ तथा हार्दिक पान्ड्या र श्रेयस ऐयरले समान १३ रन बनाए। सुर्यकुमारले तेश्रो विकेटको लागि कप्तान हार्दिकसंग ८८ रनको साझेदारी गरे।
सिरिजको तेश्रो खेल नोभेम्बर २२ तारिख मंगलबार हुनेछ। त्यसपछि दुई देश बीच तिन खेलको एकदिवसीय अन्तर्राष्ट्रिय सिरिज नोभेम्बर २५ तारिख देखि सुरु हुनेछ।
