T20WC : भारतको दोश्रो हार, न्युजिल्यान्डको कीर्तिमानी जित ( अंकतालिका सहित )

युएईमा जारी टि-ट्वान्टी विश्वकपमा भारतले लगातार दोश्रो खेलमा हार बेहोरेको छ। पहिलो खेलमा पाकिस्तानसंग १० विकेटले पराजित भारत न्युजिल्यान्डसंग ८ विकेटले पराजित हुन पुग्यो। पहिलो खेलमा पाकिस्तानसंग पराजित न्युजिल्यान्डले भने जितको खाता खोलेको छ।

दुबई अन्तर्राष्ट्रिय स्टेडियममा भारतले दिएको १११ रनको लक्ष्य न्युजिल्यान्डले मात्र २ विकेट गुमाएर ३३ बल बाँकी रहँदै भेटायो। टि-ट्वान्टी अन्तर्राष्ट्रिय क्रिकेटमा भारत बिरुद्ध न्युजिल्यान्डको यो विकेट र बल बाँकी रहेको आधारमा सबैभन्दा ठूलो जित हो। न्युजिल्यान्डको ब्याटिंगमा ओपनर डेरेल मिचेलले सर्वाधिक ४९ रन बनाए जुन क्रममा ३५ बलमा ४ चौका र ३ छक्का प्रहार गरे। कप्तान केन विलियमसनले आविजित ३३ रन तथा मार्टिन गप्टिलले २० रन बनाए।

लक्ष्य पछ्याउने क्रममा न्युजिल्यान्डको सुरुवात राम्रो रहो। पावरप्लेको ६ ओभरमा उसले मार्टिन गप्टिलको विकेट गुमाएर ४४ रन बनायो। दोश्रो विकेटको लागि डेरेल मिचेलले कप्तान विलियमसनसंग ७२ रनको साझेदारी गर्दै जितको दिशा दिए। तेह्रौं ओभरमा मिचेललाई बुम्राहले क्याच आउट गर्दा न्युजिल्यान्डलाई जित्न मात्र १५ रन आवस्यक थियो। भारतको बलिंगमा जस्प्रित बुम्राहले दुई विकेट ( ४-०-१९-२ ) लिए।

यस अघि टस हारेर ब्याटिंग गरेको भारतले निर्धारित २० ओभरमा ७ विकेट क्षेतीमा ११० रन बनाएको थियो। उसको लागि रभीन्द्र जडेजाले सर्वाधिक २६ रन, हार्दिक पान्ड्याले २३ रन बनाए भने केएल राहुलले १८, रोहित शर्माले १४, रिशभ पन्तले १२, बिराट कोहलीले ९ तथा इशान किशनले ४ रन बनाए।

खराब सुरुवात गरेको भारतले सुरुवाती ६ ओभरमा इशान किशन र केएल राहुलको विकेट गुमाउदा ३५ रन मात्र बनायो। त्यसपछि रोहित शर्मा आठौँ र बिराट कोहली एघारौं ओभरमा लेग स्पिनर इश सोढीबाट क्याच आउट भए। पाँचौ विकेटको लागि रिशभ र हार्दिकले २२ रन जोडे। पन्ध्रौँ ओभरमा पन्तलाई एडम मिल्नेले बोल्ड गरे। पान्ड्या र जडेजाले छैठौं विकेटको लागि २४ रन जोडे। उन्नाईसौं ओभरमा पान्ड्या र शार्दुल ठाकुरलाई ट्रेन्ट बोल्टले क्याच आउट पारे। अन्तिममा रभीन्द्र जडेजाले केहि आक्रामक सट खेल्दै सम्मानजनक योगफलतर्फ डोर्याए। अन्तिम ५ ओभरमा भारतले २ विकेट गुमाएर ३७ रन बनायो।

न्युजिल्यान्डको बलिंगमा ट्रेन्ट बोल्टले सर्वाधिक तिन विकेट ( ४-०-२०-३ ) लिए भने इश सोढीले दुई विकेट ( ४-०-१७-२ ) लिए। टिम साउदी ( ४-०-२६-१ ) र एडम मिल्नेले एक विकेट ( ४-०-३०-१ ) लिए।

२ खेलमा १/१ जित हार पछि न्युजिल्यान्ड २ अंक सहित समुह ‘२’ अंकतालिकाको तेश्रो स्थानमा उक्लेको छ। समान २ अंक सहित नामिबिया नेट रन रेटमा पछि रहँदै चौंथो स्थानमा छ। ३ खेलमा ६ अंक सहित पाकिस्तान पहिलो स्थानमा तथा ३ खेलमा ४ अंक सहित अफगानिस्तान दोश्रो स्थानमा छ। दोश्रो हार पछि भारत अंक विहिन रहँदै पाँचौ स्थानमा छ भने स्कटल्याण्ड छैठौं स्थानमा छ। भारतले आगामी खेल नोभेम्बर ३ तारिख बुधबार अफगानिस्तानसंग तथा न्युजिल्यान्डले सोहि दिन स्कटल्याण्डसंग खेल्नेछ।

अंकतालिका 





थप समाचार

चेन्नईमाथि लखनाउको जित

काठमाडौं । चेन्नई सुपर किंग्समाथि १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउ सुपर जायन्ट्सले जित निकालेको छ […]

जडेजाको अर्धशतकमा लखनाउलाई १७७ रनको लक्ष्य

काठमाडौं । अलराउन्डर रविन्द्र जडेजाको अर्धशतकको सहयोगमा चेन्नई सुपर किंग्सले १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउलाई […]

कोशीमाथि बागमतीको रोमान्चक जित

काठमाडौं । काठमाडौं जारी वीर गणेशमान सिंह राष्ट्रिय टी-२० च्याम्पियनशिप अन्तर्गत चौथो दिनको पहिलो खेलमा बागमती प्रदेशले रोमाञ्चक जित दर्ता […]

युएईसंग पराजित हुँदा नेपाल एसिया कप छनोट हुन असफल

काठमाडौं । नेपाललाई स्तब्ध पार्दै ओमानमा जारी दोस्रो संस्करणको एसीसी मेन्स प्रिमियर कपको युएई सेमिफाइनल प्रवेश गरेको छ । यो […]

सन्दीपको अर्धशतकमा युएईलाई १२० रनको लक्ष्य

काठमाडौं । ओमानमा जारी दोस्रो संस्करणको एसीसी मेन्स प्रिमियर कपको पहिलो सेमिफाइनल खेलमा नेपालले सन्दीप जोराको अर्धशतकको सहयोगमा युएईलाई १ […]

नेपालले टस हार्यो, सोमपाल टिममा फर्किए

काठमाडौं । एसीसी मेन्स प्रिमियर कप २०२४ को पहिलो सेमिफाइनल खेलमा युएईविरुद्ध नेपालले टस हारेको छ । युएईका कप्तान मुहम्मद […]