टि-ट्वान्टी विश्वकप अन्तर्गत सुपर-१२ चरणको समुह ‘२’ को खेलमा न्युजिल्यान्ड र नामिबिया प्रतिस्पर्धा गरिरहेका छन्।
शारजाह स्थित शारजाह स्टेडियममा जारि खेलमा टस हारेर ब्याटिंग गरेको न्युजिल्यान्डले २० ओभरमा ४ विकेट क्षेतीमा १६३ रन बनाउदै नामिबियालाई १६४ रनको लक्ष्य प्रस्तुत गरेको छ।
न्युजिल्यान्डको लागि ग्लेन फिलिप्सले सर्वाधिक ३९ रन बनाए जुन क्रममा अविजित रहँदै २१ बलमा १ चौका र ३ छक्का प्रहार गरे भने जेम्स निशमले २३ बलमा १ चौका र २ छक्का मद्दतले अविजित ३५ रन बनाए। यस्तै कप्तान केन विलियमसनले २८, डेरेल मिचेलले १९, मार्टिन गप्टिलले १८ तथा डेभोन कनवेले १७ रन बनाए।
ओपनर गप्टिल र मिचेलले ३० रनको ओपनिंग साझेदारी गरेपछि पाँचौ ओभरमा गप्टिललाई डेभिड विजेले क्याच आउट पारे। सातौं ओभरमा मिचेललाई स्कल्जले क्याच आउट पारे। तेश्रो विकेटको लागि कप्तान विलियमसन र डेभोन कनवेले ३८ रनको साझेदारी गरे। तेहौं ओभरमा विलियमसनलाई मरे इरास्मसले बोल्ड गरे भने चौधौं ओभरमा कर्क बर्केन्स्टकले रन आउट पारे। ८७/४ को अवस्थाबाट फिलिप्स र निशमले पाँचौ विकेटको लागि मात्र ३६ बलमा ७६ रनको साझेदारी गरे। दुई ब्याट्सम्यानले अन्तिम ५ ओभरमा ७३ रन बनाए।
नामिबियाका बलर जेरार्ड इरास्मस ( ४-०-२२-१ ) , डेभिड विजा ( ४-०-४०-१ ) र बर्नार्ड स्कल्जले ( ३-०-१५-१ ) समान एक विकेट लिए।
न्युजिल्यान्डले आज नामिबियालाई पराजित गरेको खण्डमा नामिबिया सेमीफाइनल दौडबाट अधिकारिक रुपमा बाहिर हुनेछ। न्युजिल्यान्डले आज जित दर्ता गरेर अन्तिम खेलमा अफगानिस्तानलाई पराजित गरे न्युजिल्यान्ड सेमीफाइनल पुग्नेछ। न्युजिल्यान्ड आज जितेर अफगानिस्तानसंग पराजित भएको खण्डमा पनि नेट रन रेटको आधारमा सेमीफाइनल पुग्ने सम्भावना रहन्छ। विस्तृतमा पढ्नुस
