ब्याटिंग नचल्दा नेपाल पराजित

ब्याटिंग नचल्दा अमेरिकामा जारि विश्वकप लिग-२ अन्तर्गत त्रिकोणात्मक एकदिवसीय सिरिजमा नेपाल ओमानसंग १३ रनले पराजित भएको छ।

अमेरिकाको पर्लल्याण्ड स्थित मुसा स्टेडियममा ओमानले दिएको २१२ रनको लक्ष पछ्याएको नेपालले ४९.४ ओभरमा सबै विकेट गुमाएर १९८ रन मात्र बनायो। लिग-२ मा १३ खेल खेल्दा नेपालको यो सातौँ हार हो भने ओमानको ३४ औं खेलमा बीसौं जित हो। स्कोरकार्ड, अंकतालिका  

नेपालको लागि छैठौं नम्बरमा ब्याटिंग गरेका आरिफ शेखले सर्वाधिक ६६ रन बनाए। देव खनालले ३४, दिपेन्द्र ऐरीले १६, बिनोद भण्डारीले १४ तथा सुनिल धमलाले १२ रन योगदान दिए। राष्ट्रिय टिममा पुनरागमन गरेका ओपनर सुबास खकुरेलले ३ रन बनाउन सके।

स-सानो साझेदारी बनाएता पनि नियमित अन्तरालमा विकेट गुमाउनु नेपालको हारको कारण बन्यो।  आरिफ शेख र बिनोद भण्डारी बीच छैठौं विकेटको रुपमा भएको ३७ रनको साझेदारी इनिंग्सकै उच्च साझेदारी रह्यो। तर भण्डारीले त्यस क्रममा ४६ बलमा मात्र १४ रन बनाउदा नेपाल थप रनको दवावमा पर्यो।

ओमान बलर जिशन मक्सुद र खवर अलिले ३/३ विकेट लिए। बिलाल खानले २ तथा आयान खानले १ विकेट लिए।

यस अघि टस जितेर ब्याटिंग गरेको ओमानले ५० ओभरमा ८ विकेट क्षतिमा २११ रन बनायो। उसको लागि कप्तान जिशान मक्सुदले अविजित शतक बनाउने क्रममा १२६ बलमा १३ चौका मद्दतले १०४ रन बनाए। खवर अलिले ३० तथा शोयब खानले २७ रन योगदान दिए। ८६ रनमा ५ विकेट गुमाएपछि मकुस्दले खवर अलिसंग ६० रनको महत्वपूर्ण साझेदारी गरे।

नेपालको बलिंगमा करन केसीले व्यक्तिगत उत्कृस्ट स्पेल दर्ता गर्ने क्रममा ५ विकेट लिए जुन क्रममा १० ओभरमा ३८ रन खर्चे। करनले एकदिवसीय अन्तर्राष्ट्रियमा ५ विकेट लिएको पहिलो पटक हो जो टि-२० अन्तर्राष्ट्रिय र एकदिवसीय अन्तर्राष्ट्रिय दुवैमा ५ विकेट लिने पहिलो नेपाली बलर समेत बनेका छन्। कप्तान सन्दिप लामिछानेले २ तथा सोमपाल कामिले १ विकेट लिए।

सिरिज अन्तर्गत नेपालले दोश्रो खेल अमेरिकासंग भोलि खेल्नेछ। त्यसपछि पुनः जुन १४ मा ओमानसंग तथा जुन १५ मा अमेरिकासंग खेल्ने तालिकाछ।





थप समाचार

नेपालले टस हार्यो, भुर्तेल बेन्चमा

काठमाडौं । नामिबियाविरुद्ध नेपालले टस हारेको छ । नामिबियाका कप्तान जेजे स्मिथले टस जितेर बलिङ रोजेपछि नेपालले पहिला ब्याटिङ गर्दै […]

पाँचपोखरी क्रिकेट प्रतियोगिता : पाँचपोखरी र ह्याल्मो-११ सेमिफाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको सेमिफाइनलमा स्थान बनाएका छन् । आज भएको […]

दाङ क्रिकेट लिग : देउखुरी र पुरनधारा फाइनल दौडबाट बाहिरियो 

दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत बिहिबार सम्पन्न दुई खेलमा तुलसीपुर रोयल्स र दंगाली लायन्स विजयी भएका […]

लिभेन्टको शतकमा नेदरल्यान्ड्सको सहज जित

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई सहज रुपले पराजित गरेको छ  । टियु मैदानमा भएको  खेलमा नामिबिया ५९ […]

लिभेन्टको शतकमा नामिबियालाई २४८ रनको लक्ष्य

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई २ सय ४८ रनको लक्ष्य दिएको छ । टियु मैदानमा जारी खेलमा […]

नेदरल्यान्ड्सले टस जित्यो

काठमाडौं । नेदरल्यान्ड्सले नामिबियाविरुद्धको खेलमा टस जितेको छ । टियु क्रिकेट मैदानमा कीर्तिपुरमा नेदरल्यान्ड्सका कप्तान स्कट एडवार्डले टस जितेर ब्याटिङ […]