२०२३ विश्वकप छनौटको बाटो विश्वकप लिग-२ अन्तर्गत पहिलो त्रिकोणात्मक सिरिज आज देखि स्कटल्याण्डमा सुरु भएको छ। पहिलो त्रिकोणात्मक सिरिज अन्तर्गत स्कटल्याण्ड, ओमान र पपुवा न्युगिनीले प्रतिस्पर्धा गर्दैछन्। सिरिज अन्तर्गत ३ वटा टिमले एकअर्का बिरुद्ध २-२ वटा खेल खेल्नेछन्। विश्वकप लिग अन्तर्गत सबै खेल एकदिवसीय अन्तर्राष्ट्रिय मान्यता प्राप्त हुनेछ।
स्कटल्याण्डको एबरडीनमा सम्पन्न पहिलो एकदिवसीयमा ओमानले पपुवा न्यु गिनीलाई ४ विकेटले पराजित गरेको छ। पपुवा न्यु गिनीले पहिले ब्याटिंग गर्दै दिएको २३० रनको लक्ष्य ओमानले ४९.१ ओभरमा ६ विकेट गुमाएर पुरा गर्यो।
लक्ष्य पछ्याउने क्रममा एक समय ओमान हारतर्फ अघि बढेको देखिएको थियो। ३७ औं ओभरमा १४४ रनमा उसले ६ विकेट गुमाईसकेको थियो। सो अवस्थाबाट सातौँ नम्बरमा ब्याटिंग गरेका सन्दिप गौड र फय्याज बटले उत्कृस्ट साझेदारी गर्दै टिमलाई जितसम्म पुर्याए।
OMAN v PNG
OMAN 234/6 (49.1)
49.1: Soper to Goud, 6 runshttps://t.co/SzajqVUp4j pic.twitter.com/SEEMFGVUXT— Cricket PNG (@Cricket_PNG) August 14, 2019
सातौँ विकेटको लागि गौड र फय्याजले अविजित ९० रनको साझेदारी गरे। यस क्रममा आफ्नो दोश्रो एकदिवसीय अन्तर्राष्ट्रिय खेलेका २८ वर्षीय गौडले पहिलो अर्धशतक बनाउदै ७२ बलमा अविजित ६७ रन बनाए। यस क्रममा उनले ३ छक्का र २ चौका प्रहार गरे। यस्तै बटले ३२ बलमा २ चौका मदतले ३२ रन बनाए।
यस अघि ओमान ब्याट्सम्यान अकिब इल्यासले ४१ रन बनाएका थिए। पपुवा न्यु गिनी बलर चार्ल्स अमिनीले सर्वाधिक २ विकेट लिए।
पपुवा न्युगिनीको ब्याटिंग
यस अघि टस हारेर ब्याटिंग गर्ने क्रममा पपुवा न्यु गिनीले ५० ओभरमा ८ विकेट गुमाएर २२९ रनको योगफल तयार गरेको थियो। उसको लागि ओपनर टोनी उराले सर्वाधिक ५४ रन तथा कप्तान लेगा सियकाले ४१ रन बनाए।
पहिलो विकेटको लागि ओपनर गौडी भाला ( २४ रन ) संग उराले ७७ रनको साझेदारी गरेका थिए। त्यसपछि भने निरन्तर अन्तरालमा पपुवा न्यु गिनीको विकेट गुमेको थियो। अन्तिममा चाड सोपरले अविजित २९ रन बनाए।
ओमानको बलिंगमा कप्तान जिशान मक्सुदले सर्वाधिक ३ विकेट लिए जुन क्रममा १० ओभरमा ३५ रन मात्र खर्चिए। यस्तै खवर अलिले २ र अकिब इल्यासले १ विकेट लिए।
त्रिकोणात्मक सिरिज अन्तर्गत दोश्रो खेल भोलि स्कटल्याण्ड र ओमान बीच खेलिनेछ। खेल नेपाली समय ३:४५ बजे सुरु हुनेछ।
नेपालले विश्वकप लिग-२ अन्तर्गत पहिलो त्रिकोणात्मक सिरिज ५ देखि १२ फेब्रुवरी २०२० मा घरेलु मैदानमा खेल्नेछ। खेलतालिका
