आईसीसी विश्वकप लिग-२ अन्तर्गत ओमानमा जारी नेपाल, ओमान र अमेरिका सम्मिलित त्रिकोणात्मक एकदिवसीय अन्तर्राष्ट्रिय सिरिजको अन्तिम खेलमा ओमान र अमेरिका प्रतिस्पर्धा गरिरहेका छन्।
अल अमिरात मैदानमा टस हारेर ब्याटिंग गरेको ओमानले निर्धारित ५० ओभरमा ७ विकेट गुमाएर २७४ रन बनाउदै अमेरिकालाई २७५ रनको चुनौतिपूर्ण लक्ष्य प्रस्तुत गरेको छ।
ओमानको लागि कप्तान जिशान मक्सुदले सर्वाधिक ५३ रन, जतिन्दर सिंहले ४२ रन, आयान खानले ४१ रन, नसिम खुसिले ३५ रन तथा डेब्यु गरेका ओपनर पृथ्वीकुमार मच्ची र सन्दिप गौडले समान २५ रन तथा कलेमुल्लाहले अविजित १६ रन योगदान दिए। ओपनर मच्ची र सिंहले पहिलो विकेटको लागि ५८ रनको साझेदारी गर्दै राम्रो सुरुवात गरेका थिए। त्यसपछि चौथों विकेटको लागि कप्तान मक्सुद र आयान खान बीच ६९ रनको साझेदारी भयो। आठौं विकेटको लागि खुसि र कलेमुल्लाहले मात्र १४ बलमा ३३ रनको साझेदारी गरे।
अमेरिकाको बलिंगमा देब्रे हाते स्पिनर नोस्थुस किन्जिगेले सर्वाधिक ३ विकेट ( १०-०-४९-३ ) लिए। स्टेभेन टेलर , निसर्ग पटेल र करिमा गोरेले समान १ विकेट लिए।
सिरिज अन्तर्गत अघिल्लो खेलमा ओमानले अमेरिकालाई ४ विकेटले पराजित गरेको थियो। लिग अंकतालिकामा ओमान पहिलो र अमेरिका दोश्रो स्थानमा रहेको छ।
सिरिज अन्तर्गत नेपालले आफ्नो ४ वटै खेल खेलीसकेको छ। नेपालले अमेरिका र ओमानलाई एक/एक खेलमा पराजित गर्न सफल रह्यो भने दुवै टिमसंग एक/एक खेलमा पराजित समेत भयो। सिरिजबाट नेपालले ४ अंक बटुल्दै लिग-२ अंकतालिकाको चौंथो स्थानमा पुगेको छ। अंकतालिका
