बलियो नेपाल यु-१५ : प्रदेश-१ र बागमती विजयी

बलियो नेपाल न्युट्रिसन इनिसिएटिभको आयोजना तथा क्विन्स इभेन्ट मेनेजमेन्टको व्यवस्थापनमा आजबाट बलियो नेपाल अन्डर १५ क्रिकेट प्रतियोगिता सुरु भएको छ। काठमाण्डौ स्थित मुलपानी मैदानमा सुरु भएको प्रतियोगिताको पहिलो दिन बलियो प्रदेश १ र बलियो बागमती प्रदेशले जित हात पारेका छन्।

दिनको पहिलो खेलमा बलियो प्रदेश १ ले बलियो गण्डकी प्रदेशका बिरुद्ध ४ विकेटको जित दर्ता गर्यो । बर्षाका कारण १२ ओभरमा छोट्याइएको खेलमा टस हारेर पहिले ब्याटिङ्ग गरेको बलियो गण्डकी प्रदेशले ४१ रन मात्र जोड्न सक्यो । गण्डकी प्रदेशलाई सस्तैमा समेट्ने क्रममा बलियो प्रदेश १ का कृतिक कामतले ४ विकेट हात पारे । जवाफमा ४२ रनको लक्ष्य बलियो प्रदेश १ ले १०.५ ओभरमा ६ विकेट गुमाएर पुरा गर्यो ।

यस्तै दिनको दोस्रो खेलमा बलियो बागमती प्रदेशले बलियो ११ माथि २२ रनको जित दर्ता गर्यो । १२ ओभरमा छोट्याइएको खेलमा टस जितेर ब्याटिङ्ग रोजेको बलियो बागमती प्रदेशले ६ विकेट गुमाएर १३५ रन जोडेको थियो । उसका लागि आकाश खत्रीले ३२ बलमा ५१ रन जोडे । बलियो ११ का जेनिश पुन मगरले सर्वाधिक ३ विकेट आफ्नो नाम गरे । जवाफमा १३६ रनको लक्ष्य पछ्याएको बलियो ११ ले १४.४ ओभरमा सबै विकेट गुमाउनु अगि ११३ रन मात्र जोड्न सक्यो । बलियो ११ का पारस अएरले ४३ रन बनाउन बाहेक अन्य ब्याट्स्म्यानले उल्लेखनिय योगदान गर्न सकेनन । बलियो बागमतीका रोमन विष्टले ४ विकेट प्राप्त गरे ।

प्रतियोगिताको उद्घाटन पुर्व कप्तान पारस खड्काले ब्याटिङ्ग , बलियो नेपाल न्युट्रिसन इनिसिएटिभका प्रमुख कार्यकारी अधिकृत डा. अतुल उपाध्यायले ब्याटिङ्ग र बागमती प्रदेश क्रिकेट संघका अध्यक्ष राजु बस्न्यातले विकेट किपिंग गर्दै गरेका थिए ।





थप समाचार

यस्ता छन् नेपालसँग खेल्ने वेस्ट इन्डिज ए को टोलीमा रहेका खेलाडीहरु

काठमाडौं । नेपालको सिनियर क्रिकेट टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको […]

नेपाल आउने वेस्ट इन्डिज ए टोलीको घोषणा

काठमाडौं । नेपालको सिनियर टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको छ […]

जैसवालको शतकमा राजस्थानको जित, मुम्बईलाई हराउँदै राजस्थान प्लेअफ नजिक

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा ओपनर यसश्वी जैसवालको शतकको सहयोगमा मुम्बई इन्डियन्सलाई पराजित गरि […]

राजस्थानले मुम्बईबाट पायो १८० रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा मुम्बई इन्डियन्सले राजस्थान रोयल्सलाई १ सय ८० रनको लक्ष्य […]

मलेसियन लिगमा सहभागी हुने नेपाली क्रिकेटरको विदाई

काठमाडौं । मलेसियामा आयोजना हुने मलेसियन सुपर कप २०२४ मा सहभागीता जनाउने ६ नेपाली क्रिकेटरको विदाई भएको छ । नेपाल […]

अभानी प्रिमियर लिग : वारियर्स र सगरमाथा विजयी

काठमाडौं । अभानी प्रिमियर लिगमा वारियर्स क्रिकेट क्लब र सगरमाथा क्रिकेट क्लब विजयी भएका छन् । सिड्नीमा जारी लिगमा वारियर्सले […]