४ मंसिर, रौतहट
रौतहटमा संचालित प्रदेश २ स्तरीय वाई वाई यु १९ एकदिवसिय छनौट प्रतियोगिताको शनिवार सम्पन्न आठौ दिनको खेलमा सिरहाले रौतहटलाई ३ विकेटले पराजित गरेको छ ।’
गौरको मिल्स मैदानमा भएको खेलमा रौतहटले टसजिती पहिलो ब्याटिंग गर्ने निर्णय गर्दै निर्धारित ४२ ओभरको खेलमा २९ ओभर १ बलमा सम्पुर्ण बिकेट गुमाई १ सय ४ रनमा समेटिएको थियो । रौतहटका लागि करन साहले २२ तथा नरेश साहले १७ रनको योगदान दिएका थिए भने रेहाज जाकिरले १४ रनको योगदान दिएका थिए । बलिंग तर्फ सिरहाका मनोज यादव र ओमकार यादवले सामान १ विकेट लिएका थिए भने कुश मण्डल, प्रदिप पासवान, अफरुदिन राईन र शुभमान गहतराजले सामान १ विकेट लिएका थिए ।
१ सय ५ रनको झिनो लक्ष्य लिई मैदानमा ओर्लेको सिरहाले उक्त लक्ष्य ३० ओभर २ बलमा ७ विकेटको नोक्सानीमा भेटाएका थिए । सिरहाका लागि कुश मण्डलले २१, प्रदिप पासवानले ५० बलमा १ चौक्काको मद्धतले नटआउट रहि १९ तथा शैलेन्द्र साहले १० रनको योगदान दिएका थिए । बलिंग तर्फ रौतहटका राजेश यादवले ३ तथा शन्नि साह र नितेश यादवले सामान १ विकेट लिएका थिए ।
खेलको म्यान अफ द म्याच सिरहाका प्रदिप पासवान भएका थिए ।
प्रतियोगिता अन्तर्गत आईतवारको अन्तिम लिग खेल रौतहट र सर्लाहि बिच हुनेछ ।
