प्रदेश-२ यु१९ छनौट प्रतियोगिता : छैठौं दिन सिरहा र बारा बिजयी

२ मंसिर, रौतहट

रौतहटमा संचालित प्रदेश २ स्तरीय वाई वाई यु १९ एकदिवसिय छनौट प्रतियोगिताको छैठो दिन सिरहाले सर्लाहिलाई ६ बिकेटले तथा बाराले धनुषालाई ६६ रनले पराजित गरेको छ ।

गौरको मिल्स मैदानमा भएको खेलमा सर्लाहिले टसजिती पहिलो ब्याटिंग गर्दै निर्धारित ४५ ओभरको खेलमा ३९ ओभर १ बलमा सम्पुर्ण विकेट गुमाई १ सय २६ रनको योगफल तयार पारेको थियो। सर्लाहिका लागि गुल्सन झा ३३, बिवेक यादव २५ र आशुतोष यादवले २४ रनको योगदान दिएका थिए । बलिंग तर्फ सिरहाका प्रदिप पासवानले ३ तथा अफरुदिन राइनले २ विकेट लिएका थिए भने कुश मण्डल, आशुतोष डोटेल र सुमन घतराजले सामान १ विकेट लिएका थिए ।

१ सय २७ रनको लक्ष्य लिई मैदानमा ओर्लेको सिरहाले उक्त लक्ष्य सजिलै २५ ओभरमा ६ बिकेटको नोक्सानीमा भेटाएका थिए । सिरहाका लागि कृष्णा गुप्ता ४२ र अशोक यादवले ३२ रनको योगदान दिएका थिए । बलिंग तर्फ सर्लाहिका आशुतोष यादवले ३ तथा बिशाल पटेल, दयानन्द मण्डल र सार्थक न्यौपानेले सामान १ विकेट लिएका थिए । खेलको म्यान अफ द म्याच सिरहाका कृष्णा गुप्ता भए ।

बिहिवारनै पिप्रा मैदानमा भएको एक अर्को खेलमा बाराले टसजिती पहिलो ब्याटिंग गर्ने निर्णय गर्दै निर्धारित ३५ ओभरको खेलमा ३२ ओभर १ बलमा सम्पुर्ण बिकेट गुमाई २ सय १९ रनको बिशाल योगफल तयार पारेको थियो।

बाराका लागि आदिल अंसारीले बिष्फोटक ब्याटिंग गर्दै २३ बलमा ५ चौक्का र ४ छक्काको मद्धतले ५२ रनको योगदान दिएका थिए भने तिर्थ राज दास ४८, निखिल सिंह ३८, अरनिको यादव १६, साहिल पाटेल र शशि पण्डितले सामान १२ रनको योगदान दिएका थिए । बलिंग तर्फ धनुषाका रोहन यादव ३ तथा मयन यादवले २ विकेट लिएका थिए भने रुपेश यादव, अभिजित मण्डल र बिक्रान्त यादवले सामान १ विकेट लिएका थिए ।

२ सय २० रनको बिशाल लक्ष्य लिई मैदानमा ओर्लेको धनुषा ३४ ओभरमा सम्पुर्ण बिकेट गुमाई १ सय ५३ रनमै समेटिए पछि ६६ रनले पराजित हुन पुगेको थियो । धनुषाका लागि अक्वर अलि ३२, मयन यादव ३१, रामवावु यादव २६ तथा प्रश्वम यादवले २१ रनको योगदान दिएका थिए भने बलिंग तर्फ बाराका तिर्थ राज दासले ३ विकेट तथा निखिल सिंह, अरनिको यादव र आरिफ इकवालले सामान २ विकेट लिएका थिए ।

खेलको म्यान अफ द म्याच बाराका तिर्थराज दास भए।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]