पाँचपोखरी टि२० जिल्ला स्तरिय प्रतियोगितामा पाँच पोखरी भोताङ र पाँच पोखरी क्रिकेट क्बले विजयी सुरुवात गरेका छन् । मुलपानी मैदानमा सुरु प्रतियोगितामा पहिलो खेलमा भोताङले इन्द्रावती ९ लाई ३७ रनले हराउँदै विजयी सुरुवात गर्यो ।
मुलपानी क्रिकेट मैदानमा टस जितेर ब्याटिङ रोजेको भोताङ १८.१ ओभरमा १ सय २७ रनमा अल आउट भयो । उसका लागि ओपनर पासाङ तामाङ१८, आर्य तामाङ १९, फुर्पा तामाङ १२, करण तामाङ ८, पेम्बा तामाङ१६, लालमान तामाङ १० र विक्रम तामाङ ९ रन बनाए । इन्द्रावतिका कमल प्रसाद लम्सालले २.१ ओभरमा ११ रन खर्चेर ४ विकेट लिए । सुगम लम्सालले २, विनोद तामाङ, कमल लम्साल, निरोज लम्साल र अमृत लम्सालले १-१ विकेट लिए ।
१ सय २८ रनको विजयी लक्ष्य पछ्याएको इन्द्रावती १९.५ ओभरमा ९० रनमा अल आउट भयो । इन्द्रावतीका ओपनर अमृत लम्सालले ४८ बलमा सर्वाधिक ३० रन बनाए । अन्यले राम्रो गर्न सकेनन् । भोताङका अभिनाश तामाङ, करण तामाङ र विक्रम तामाङले ३-३ विकेट लिए ।
अर्को खेलमा पाँच पोखरी क्रिकेट क्लबले इन्द्रावती गाउँपालिकालाई ६ विकेटले हरायो ।
मुलपानीमा टस जितेर पहिला ब्याटिङ थालेको इन्द्रावती १६ ओभरमा ७५ रनमा अल आउट भयो । इन्द्रावतीका विवेक चौहानले सर्वाधिक २२ रन बनाए । अन्यले राम्रो प्रदर्शन गर्न सकेनन् । पाँचपोखरीका सार्थक धितालले ४ ओभरमा ९ रन खर्चेर ३ विकेट लिए । अर्यान धितालले २, निशान्त धिताल, विजय धिताल र अजय धितालले १-१ विकेट लिए ।
७६ रनको लक्ष्य पाँचपोखरीले १३.३ ओभरमा ४ विकेट गुमाएर पूरा गर्यो । सार्थक धिताल १२ बलमा २ चौकासहित १५ रनमा आउट भए । विक्की श्रेष्ठले ३४ बलमा ३ चौका र १ छक्कासहित २४ रन बनाए । सार्थक धिताल खेलको प्लेयर अफ द म्याच चुनिए ।
