ग्लोबल टि-२० क्यानडा अन्तर्गत दोश्रो चरणको अन्तिम खेलमा सन्दिप लामिछानेको टिम टोरोन्टोले मोन्टरियल टाइगर्ससंग अहिले राति नेपाली समय १०:१५ बजे खेल्ने कार्यक्रम रहेको थियो।
इएसपीएनक्रिक्इन्फोका पत्रकार पिटर डेला पेनाका अनुसार प्रतियोगिता खेलेबापत पैसा नपाएका कारण खेलाडीहरुले टिम बसलाई हिड्न दिईरहेका छैनन्।
ट्वीटरमा पिटरले यो घटना बारे लेख्दै १ घण्टा अघि नै टिम बस मैदान जानु पर्ने भए पनि बस नहीडेको बताएका छन्। मोन्टरियल टिमको कप्तान जर्ज बेली रहेका छन् भने टोरोन्टोको युभराज सिंह रहेका छन्।
Interesting comment in reply to this breaking news of @GT20Canada player protest over unpaid wages from the wife of a player who used to play for the Jamaica Tallawahs…. pic.twitter.com/RnmT0FCqm2
— Peter Della Penna (@PeterDellaPenna) August 7, 2019
प्रतियोगितामा युभराज सिंह, शाहिद अफ्रिदी, काइरन पोलार्ड, उमर अकमल , सोयब मलिक, ब्रेण्डन म्याकलम जस्ता ठुला क्रिकेटरहरु खेलीरहेका छन् जसलाई महँगो मूल्यमा टिमले ड्राफ्टमार्फत लिएको थियो।
खेल सुरु हुने समय भएपनि हालसम्म टस भएको छैन भने अहिलेसम्म स्टारस्पोर्ट्सले प्रशारण सुरु गरेको छैन। च्यानलले खेल केहि समयमा सुरु हुने लेखेको छ । क्रिकबजले हालसम्म टस हुनु पर्ने तर केहि जानकारी नपाएको लेखेको छ र पिटर डेला पेनाको ट्वीटलाई राखेको छ। यस्तै क्रिक्इन्फोले टस ढिलो भएको मात्रै लेखेको छ।
यस्तै ग्लोबल टि-२० को अधिकारिक ट्वीटरमा टेक्निकल कारणले खेल ढिला सुरु हुने र अब लोकल समय २:३० बजे सुरु हुने लेखेको छ। २:३० नेपाली समयमा बदल्दा १२:१५ बजे राति हुन आउछ।
The match between @MontrealTigers and @TorontoNational has been delayed due to technical reasons.
The game will now start at 2:30PM local time.
It will be a 20-over-a-side match. #GT2019
— GT20 Canada (@GT20Canada) August 7, 2019
सन्दिप लामिछानेलाई टोरोन्टो नेसनल्स टिमले ६० हजार डलर तथा सोमपाल कामिलाई ३ हजार डलरमा विन्नीपेग हक्सले टिममा लिएको थियो।
आज मात्रै पाकिस्तानी क्रिकेटर उमर अकमलले प्रतियोगिताको दौरान आफुलाई फिक्सरले सम्पर्क गरेको खुलासा गरेका थिए।
गत वर्ष देखि संचालित प्रतियोगितामा ६ वटा फ़्रेन्चाइज् टोलिहरु खेलीरहेका छन्।
