इंग्ल्याण्डमा जारि आईसीसी एकदिवसीय विश्वकप क्रिकेट अन्तर्गत १७ औं खेलमा डिफेन्डिङ च्याम्पियन अस्ट्रेलिया र पाकिस्तानले प्रतिस्पर्धा गरिरहेका छन्।
खेलमा पहीले ब्याटिंग गर्दै अस्ट्रेलियाले पाकिस्तानलाई ३०८ रनको लक्ष्य प्रस्तुत गरेको छ।
द कुपर एसोसिएट काउन्ट्रि ग्राउण्डमा टस जितेर पाकिस्तानले पहिले बलिंग रोजेको थियो।
अस्ट्रेलियाको सुरुवात उत्कृस्ट रह्यो। पहिलो विकेटको लागि डेभिड वार्नर र कप्तान आरोन फिन्चले १४६ रनको ठुलो साझेदारी गरे।
फिन्चलाई २३ औं ओभरमा मोहम्मद आमिरले आउट गर्दै पहिलो विकेट दिलाए। ८४ बलमा उनले ६ चौका र ३ छक्का प्रहार गरे। त्यसपछि भने अस्ट्रेलियाले नियमित अन्तरालमा विकेट गुमाउन पुग्यो।
स्टिभ स्मिथ १०, ग्लेन म्याक्सेल २० रन बनाएर आउट हुँदा एक किनार सम्हाल्दै वार्नरले शतक पुरा गरे। प्रतियोगितामा पहिलो शतक प्रहार गर्ने क्रममा वार्नरले १११ बलमा १०७ रन प्रहार गरे जसमा ११ चौका र १ छक्का सामेल थियो। एकदिवसीय करियरको १५ औं शतक पुरा गरेर वार्नर शाहिन अफ्रिदीको बलमा क्याच आउट भए।
वार्नरको विकेटपछि पनि अस्ट्रेलियाको विकेट पटक रोकिएन। शन मार्श ( २३ ) र उस्मान ख्वाजा ( १८ ) , एकेल्लास केरे ( २० ) लाई मोहम्मद आमिरले आउट गर्दै अस्ट्रेलियाको मध्येक्रमलाई सफल हुन दिएनन्।
फलस्वरूप अस्ट्रेलियाले ४९ ओभरमा सम्पूर्ण विकेट गुमाएर ३०७ रन बनाउन सक्यो।
पाकिस्तानको बलिंगमा मोहम्मद आमिरले ५ विकेट लिए जुन क्रममा १० ओभरमा २ मेडन ओभर गर्दै ३० रन मात्र खर्चिए। शाहिन अफ्रिदीले २ ( १०-०-७०-२ ) तथा हसन अलि ( १०-०-६७-१ ) , वहाव रियाज ( ८-०-४४-१ ) र मोहम्मद हफिज ( ७-०-६०-१ ) ले १/१ विकेट लिए।
एकदिवसीय अन्तर्राष्ट्रियमा आमिरले ५ विकेट लिएको यो नै पहिलो पटक हो।
प्रतियोगिता अन्तर्गत यस अघि अस्ट्रेलियाले खेलेको ३ खेल मध्ये २ खेलमा जित र १ खेलमा हार बेहोरेको छ भने पाकिस्तानले ३ खेलमा १ जित १ हार बेहोर्दा १ खेल नतिजाविहिन टुंगिएको थियो।
अस्ट्रेलियाको यस अघिको खेलमा नतिजा :-
बिरुद्ध अफगानिस्तान – ७ विकेटले विजयी
बिरुद्ध वेस्टइन्डिज – १५ रनले विजयी
बिरुद्ध भारत – ३६ रनले पराजित
पाकिस्तानको यस अघिको खेलमा नतिजा :-
बिरुद्ध वेस्टइन्डिज – ७ विकेटले पराजित
बिरुद्ध इंग्ल्याण्ड – १४ रनले विजयी
बिरुद्ध श्रीलंका – नतिजाविहिन
