- विकेटनेपाल,असोज १०
युनाईटेड अरब इमिरेट्स ( युएई ) मा जारि १४ औं एसिया कप क्रिकेट अन्तर्गत अघोषित सेमीफाइनल खेलमा पाकिस्तान र बंगलादेश प्रतिस्पर्धा गरिरहेका छन्। खेलमा जसले जित्छ त्योनै भारतसंग एसिया कप फाइनल खेल्न छनौट हुनेछ त्यसैले सुपर-४ चरणको खेललाई अघोषित सेमीफाइनल खेल मानिएको छ।
बंगलादेशले पहिले ब्याटिंग गर्दै ४८.५ ओभरमा सम्पूर्ण विकेट गुमाउदै २३९ रनको योगफल तयार गरेको छ।
टस जितेर ब्याटिंग गर्दै शेख जायद स्टेडियममा खराब सुरुवात गर्दै बंगलादेशले सुरुवाती ३ विकेट ४.२ ओभरमा गुमाउन पुग्यो। लिटोन दास ( ६ ) , सौम्य सरकार ( ० ) र मोमिनुल हक ( ५ ) आउट हुँदा दबाबमा परेको बंगलादेशी इनिंगलाई चौथो विकेटको लागि शतकीय साझेदारी गर्दै मुस्फिकर रहिम र मोहम्मद मिथुनले उकासे।
मिथुन ६० रन ( ८४ बल, ४ चौका ) बनाएर ३४ औं ओभरमा आउट हुनु अघि रहिमसंग १४४ रनको साझेदारी गरे।
मिथुन आउट भए पछि ४२ औं ओभरमा रहिमले पनि शतक बनाउन १ रन बाँकी हुँदा विकेट गुमाउन पुगे। रहिमले ११६ बलमा ९ चौका प्रहार गर्दै बंगलादेशलाई सम्मानजनक स्कोरतर्फ डोर्याए।
अन्त्यमा महमुदुल्लाहले २५, मेहदी हसनले १२ तथा मश्रफे मुर्तजाले १३ रन योगदान दिंदा बंगलादेशले ४८.५ ओभरमा सबै विकेट गुमाएर २३९ रनको योगफल तयार गर्यो।
पाकिस्तानी बलर जुनैद खानले सर्वाधिक ४ विकेट ( ९-१-१९-४ ) हात पार्दा शाहिन अफ्रिदी ( १०-१-४७-२ ) ताथ हसन अलि ( ९.५-०-६०-२ ) ले समान २/२ विकेट र शदाब खानले १ विकेट लिए।
सुपर-४ चरणको यस अघि सम्पन्न खेलमा पाकिस्तान र बंगलादेशले अफगानिस्तानलाई पराजित गरेको थियो भने भारतसंग पराजित भएको थियो। दुवैले १/१ जित/हार बेहोरेपछि जसले जित्छ त्यसले शुक्रबार हुने फाइनल खेल भारतसंग खेल्नेछ।
खेलको फोटोहरु हेर्नुस ( श्रोत – आईसीसी )
