काठमाडौं । क्यानडाले अमेरिका र वेस्ट इन्डिजमा जारी रहेको नवौं संस्करणको टी-२० विश्वकपमा पाकिस्तानविरुद्ध पहिले ब्याटिङ गर्ने भएको छ ।
पाकिस्तानका कप्तान बाबर अजामले टस जितेर बलिङ रोजे पछि क्यानडाले पहिला ब्याटिङ गर्दैछ ।
पहिलो दुवै खेलमा पराजित पाकिस्तानलाई सुपर आठको सम्भावना कायमै राख्न जित्नै पर्ने दवाव रहेको छ । पाकिस्तान पहिलो खेलमा सहआयोजक अमेरिकासँग सपर ओभरमा पराजित हुँदा दोस्रो खेलमा भारतसँग पराजित भएको थियो ।
यस खेलमा पराजित भएमा पाकिस्तान नवौं संस्करणको विश्वकपबाट घर फर्कने छ ।
क्यानडालाई पनि सुपर आठ प्रवेशको सम्भावना कायम राख्न जित्नै पर्ने दवाव रहेको छ । पहिलो खेलमा सहआयोजक अमेरिकासँग पराजित क्यानडाले दोस्रो खेलमा आयरल्यान्डलाई पराजित गरेको थियो ।
