काठमाडौं । भारत वेस्ट इन्डिज र अमेरिकामा जारी रहेको नवौं संस्करणको टी-२० विश्वकपको १९ औं खेलमा पाकिस्तानसँग १ सय १९ रनमा अल आउट भएको छ ।
अमेरिकाको न्युयोर्कमा जारी खेलमा टस हारेर पहिले ब्याटिङ गरेको भारतले १९ औं ओभरको अन्तिम बलमा अल आउट हुदै १ सय १९ रन बनायो ।
भारतका लागि रिषभ पन्तले ३१ बलमा ६ चौकाको सहयोगमा सर्वाधिक ४२ रन बनाए । अक्षर पटेलले १८ बलमा २० तथा कप्तान रोहित शर्माले १२ बलमा १३ रन बनाए । भारतका अन्य ब्याटरले दोहोरो अंकमा रन बनाउन सकेनन् ।
पाकिस्तानका लागि हरिस रउफ र नशिम शाहले समान तीन तीन तथा मोहम्मद आमिरले दुई विकेट लिए ।
दुवै टोलीले यस संस्करणको दोस्रो खेल खेल्दैछन् । पाकिस्तान पहिलो खेलमा अमेरिकासँग पराजित भएको थियो । उता, भारतले भने पहिलो खेलमा आयरल्यान्डलाई पराजित गरेको थियो ।
भारत यस खेलमा जित निकाल्दै सुपर आठको सम्भावना बलियो बनाउँन चाहन्छ । पाकिस्तान पनि भारतलाई हराउँदै सुपर आठको सम्भावना कायम राख्न चाहन्छ ।
