CWC 2023 : नेदरल्याण्डलाई पराजित गर्दै पाकिस्तानको विजयी सुरुवात

भारतमा जारि १३ औं आईसीसी एकदिवसीय विश्वकप क्रिकेट अन्तर्गत शुक्रबार सम्पन्न दोश्रो खेलमा पाकिस्तानले नेदरल्याण्डलाई ८१ रनले पराजित गरेको छ।

हैदरावाद स्थित राजीव गान्धी अन्तर्राष्ट्रिय स्टेडियममा सम्पन्न खेलमा पाकिस्तानले दिएको २८७ रनको लक्ष्य पछ्याएको नेदरल्याण्डले ४१ ओभरमा २०५ रन बनाउदा सबै विकेट गुमायो।

नेदरल्याण्डको लागि बास डी लिडेले सर्वाधिक ६७ तथा विक्रमजित सिंहले ५२ रन योगदान दिए। तेश्रो विकेटको लागि लिडे र सिंह विच भएको ७० रनको साझेदारी बाहेक अन्य ठूलो साझेदारी गर्न नसक्दा नेदरल्याण्ड पराजित भयो।

पाकिस्तानको बलिंगमा हरिस रौफले सर्वाधिक ३ विकेट लिए। हसन अलिले २ तथा शाहिन अफ्रिदी, इफ्तिखार एहमद, मोहम्मद नवाज र शदाब खानले समान १ विकेट लिए।

यस अघि टस हारेर ब्याटिंग गरको पाकिस्तानले ४९ ओभरमा सबै विकेट गुमाएर २८६ रन बनायो।

३८ रनमा ३ विकेट गुमाएको अवास्थाबाट मोहम्मद रिजवान र सौद शकिलले शतकीय साझेदारी गर्दै पाकिस्तानलाई उकासे। रिजवान र शकिल दुवैले समान ६८ रन बनाए। मोहम्मद नवाजले ३९ तथा शदाब खानले ३२ रन बनाए भने हरिस रौफले १६ तथा शाहिन अफ्रिदीले अविजित १३ रन बनाए।

नेदरल्याण्ड बलर बास डी लिडेले ४ विकेट ( ९-०-६४-४ ) तथा कोलिन एंकरम्यानले २ विकेट लिए। आर्यन दत्त, लोगान भान विक र पल भान मिकीरनले १/१ विकेट लिए।

प्रतियोगिता अन्तर्गत भोलि शनिवार दुई खेल हुनेछन् पहिलो खेल बंगलादेश र अफगानिस्तान बीच १०:४५ बजे बिहान सुरु हुनेछ भने दोश्रो खेल दक्षिण अफ्रीका र श्रीलंका बीच २:१५ बजे दिउँसो सुरु हुनेछ।





थप समाचार

गुजरात सामू चलेन पञ्जाबको ब्याटिङ, १४२ रनमा अल आउट

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्स सामु पञ्जाब किंग्स १ सय ४२ रनमा […]

ओमानलाई पराजित गरि युएई एसिया कपमा

काठमाडौं । कप्तान मोहम्मद वासिमको शतकको सहयोगमा ओमानलाई पराजित गर्दै युएईले २०२५ को एसीया कपमा स्थान बनाएको छ । घरेलु […]

बेंगलुरुको लगातार छैटौं हार, कोलकाता दोस्रो स्थानमा उक्लियो

काठमाडौं । १७ औं संस्करणको इन्डियन प्रिमियर लिग (आइपीएल)को ३६ औं खेलमा कोलकाता नाइटराइडर्सले रोयल च्यालेन्जर्स बेंगलुरुलाई पराजित गरेको छ […]

पलको अर्धशतकमा सुदुरको रोमान्चक जित

काठमाडौं । काठमाडौंमा जारी वीर गणेशमान सिंह राष्ट्रिय टी-२० च्याम्पियनशिप अन्तर्गत आइतवार भएको पहिलो खेलमा सुदुरपश्चिम प्रदेशले रोमाञ्चक जित हात […]

एसीसी प्रिमियर कप : उपाधीका लागि ओमान र युएई खेल्दै

काठमाडौं । ओमनमा जारी दोस्रो संस्करणको एसीसी प्रिमियर कपको उपाधिका लागि घरेलु टोली र युएई आज भिड्दै छन् । खेल […]

मल्ल वल्र्ड मास्टर्स लिगको सल्लाहकारमा नियुक्त

काठमाडौं । नेपाल क्रिकेट संघ(क्यान)का पुर्व कार्यवाहक सचिव प्रशान्त विक्रम मल्ल आगामी जुलाइमा आयोजना हुने वल्र्ड मास्टर्स टी-२० लिगको सल्लाहकारमा […]