- विकेटनेपाल, मङ्सिर-८ , शनिवार
अस्टिम केयर नेपाल सोसाइटीको सहयोगार्थ शनिबार टियु क्रिकेट मैदानमा जोन्टी रोड्स-११ र पारस खड्का-११ बीच मैत्रीपूर्ण च्यारिटी क्रिकेट खेलिएको छ।
नेपाल क्रिकेट स्कुल र स्पोर्ट्स एड द्वारा आयोजित ‘राइज अफ द क्रिकेटिंग स्टार्स विथ जोन्टि रोड्स’ कार्यक्रम अन्तर्गत बिश्व क्रिकेटका महान फिल्डर कहलिएका जोन्टी रोड्स नोभेम्बर १२ तारिकमा नेपाल आएका हुन्। करिब २ हफ्ते नेपाल बसाईको क्रममा जोन्टिले नेपाली यु-१९ टिम र अन्य उमेर समुहका खेलाडीहरु, प्रशिक्षकहरु, महिला राष्ट्रिय क्रिकेटरहरुलाई क्रिकेटको बिभिन्न पाटोमा प्रशिक्षण दिए।
अन्य दिन क्रिकेट सिकाउन ब्यस्त रहेका जोन्टी शनिबार भने आफ्नो पुरानै रुपमा फर्किए अर्थात् सन् १९९२ देखि २००३ सम्म दक्षिण अफ्रीकाको लागि अन्तर्राष्ट्रिय क्रिकेटमा जमेका जोन्टि पहिलो पटक टियु मैदानमा जोन्टि-११ टिमको प्रतिनिधित्व गर्दै उत्रीए।
जोन्टिसंगै मैदानमा प्रख्यात अभिनेता सुनिल थापा र कमेडीयन सन्दिप क्षेत्री पनि उत्रिएका थिए। थापा जोन्टि र क्षेत्रीले पारसको टिमबाट खेलमा सहभागिता जनाए।
खेलको क्रममा आकर्षणको केन्द्र बनेका जोन्टीले उत्कृस्ट क्याच लिंदै सबैको मन जिते र आफ्नो उत्कृस्ट फिल्डिंगको झल्को हावामा रहेको आफ्नो बिपरिततर्फको बललाई सुन्दर तरिकाले समात्दै दिए। उनले ब्याटिंग र विकेटकिपिंगमा पनि उतिकै सक्रियता देखाए भने क्याच लिए पछि जोन्टीको खुसि झनै हेर्न लायक थियो।
क्याच लिए पनि रोड्सले यसरी खुसि मनाए
उता अभिनयको कारण सबैको मन जितेका सुनिल थापाले पनि अफस्पिन बलिङ्ग र ब्याटिंग कौसल देखाउदै क्रिकेट खेल्न पोख्त रहेको देखाए।
तर च्यारिटी खेलमा सबैभन्दा बढी आकर्षण भने कमेडीयन सन्दिप क्षेत्री बन्न पुगे। पारस-११ को लागि सुरुवातमै ब्याटिंग गर्न गएका क्षेत्रीले ब्याटिंग गर्दा होस् वा फिल्डिंग र बलिङ्ग गर्दा लगातार मैदानमा उपस्थित १ हजार आस-पास दर्शकलाई हँसाईनै रहे।
ब्याटिंग गर्दा १४ रनमा आउट भएका सन्दिपले १० रन पुरा गर्दा शतक प्रहार गरे जसरि ब्याट उठाए भने आउट भएपछि उनि मैदानबाट बाहिरिने क्रममा दोहोरो शतकनै प्रहार गरे जसरि ब्याट उठाउदै बाहिरएका थिए। बलिङ्ग गर्दा बिभिन्न शैली देखाएर हँसाएका सन्दिप आउट भए पछि खेलको कमेन्टेटरको भूमिकामा उत्रेर झनै लामै समय हँसाए।
हेर्नुस सन्दिपको बलिङ्ग गर्ने तरिका
१ विकेट समेत लिए पछि त झनै सन्दिपको सेलेब्रेसन हेर्नलायक थियो
खेलमा पारस खड्काले देब्रे हातले बलिङ्ग र देब्रे हातलेनै ब्याटिंग गरेर पनि देखाए
खेलमा पहिले ब्याटिंग गरेको पारस खड्का-११ ले २० ओभरमा २०९ रन बनाएको थियो र २१० रनको लक्ष्य जोन्टी-११ ले अन्तिम ओभरमा ९ विकेट गुमाएर पुरा गर्यो।
खेलमा पुर्व राष्ट्रिय क्रिकेटरहरु राजु बस्नेत, कलाम अलि, मनिश राज पाण्डे, धिरेन्द्र चन्द, दिपेन्द्र चौधरी खेलेका थिए भने राष्ट्रिय क्रिकेटरहरु सुबास खकुरेल, बिनोद भण्डारी, अनिल साह, आसिफ शेख, आरिफ शेख, दिपेन्द्र ऐरि, ललित भण्डारी, ललित राजबंशी तथा यु-१९ राष्ट्रिय क्रिकेटरहरुले समेत सहभागिता जनाएका थिए।
खेल पछि जोन्टि रोड्स र उनिसंगै आएका पुर्व विन्डीज र अफगानिस्तानका फिल्डिंग प्रशिक्षक रायन मरुनलाई सन्दिप क्षेत्रीले नेपाली ढाका टोपी लगाएर सम्मान गरेका थिए भने प्रशिक्षण क्याम्पमा सहभागी खेलाडीहरु र प्रशिक्षकहरुलाई जोन्टिले प्रमाण पत्र प्रदान गरेका थिए। प्रशिक्षण क्याम्पमा उत्कृस्ट प्रदर्शन गरे बापत रोड्सले कमल सिंह ऐरिलाई ब्याटिंग ग्लोब्स पुरस्कार प्रदान गरे।
( फोटोहरु – सकुश केसी / विकेटनेपाल )
