- विकेटनेपाल – ५ श्रावण, शनिवार
यही जुलाई २९ तारिखमा नेदरल्याण्ड र मेरिलेबोन क्रिकेट क्लबसंग त्रिकोणात्मक टि-२० सिरिज र त्यसपछि अगस्ट १ र ३ तारिखमा नेदरल्याण्डसंग २ वटा एकदिवसीय अन्तरास्ट्रिय खेल्न इंग्ल्याण्ड भ्रमणमा रहेको नेपाली राष्ट्रिय क्रिकेट टिमले पहिलो अभ्यास खेलमा ह्याम्पसायर हग्स क्रिकेट क्लबसंग प्रतिस्पर्धा गरिरहेको छ।
|| स्कोरकार्ड ||
पहिलो अभ्यास खेल अन्तर्गत टस जितेर ब्याटिंग रोजेको नेपालले ३६२ रनको बिशाल योगफल तयार गरेको छ। सोमपाल कामी, बसन्त रेग्मी, शक्ति गौचन र अनिल कुमार साहलाई बिश्राम दिएर मैदान उत्रिएको नेपालले निर्धारित ५० ओभरमा सबै विकेट गुमाएर ३६२ रन जोडेपछि ह्याम्सर हग्सले ३६३ रनको बिजय लक्ष्य पाएको हो। नेपालको इनिंगमा पारस खड्काले आक्रमक पारि खेल्दै १६१ रन बनाएका हुन्। ओपनर ज्ञानेन्द्र मल्ल व्यक्तिगत ५ रन बनाएर चाडैं पभेलियन फर्किएपछि ब्याटिंगमा उत्रिएका पारस खड्काले १९ चौका र ७ छक्का प्रहार गरेका हुन्। नेपाली ब्याटिंगलाई सम्हाल्ने क्रममा पारस खड्काले सुरुवातमा सरद भेष्वाकरसंग तथा त्यसपछि दिपेन्द्र सिंह ऐरीसंग साझेदारी गरेका थिए।
यस्तै नेपालको ब्याटिंगमा रोहित कुमार पौडेलले अन्त्यतर्फ बिष्फोटक ब्याटिंग गर्दै मात्र ३४ बलमा ४४ रन जोड्न सफल भए। यस्तै दिपेन्द्र सिंह ऐरीले ४६ बलमा ३७ रनको योगदान दिंदा आरिफ शेखले २७ तथा करण केसीले १८ रनको व्यक्तिगत योगदान गरेका हुन्।
सन् १८७७ मा स्थापित ह्याम्सर हग्समा ४०० भन्दा धेरै सदस्य रहेका छन् र एमसीसी लगायात बिभिन्न क्लब र अन्य देशका टोलिबिरुद्ध खेल खेल्दै आएको छ।
तर ह्याम्सर हग्सले सन् १९८० को दशकमा न्युजिल्यान्डसँग खेलेपछि पहिलोपल्ट अन्तर्राष्ट्रिय मान्यता प्राप्त टिमसँग खेल्नलागेकोले आफुसँग उपलब्ध भएको सबैभन्दा बलियो टिम मैदानमा उतार्ने जनाएको थियो।
