अमेरिकामा हिजोबाट सुरु भएको ‘युएस ओपन’ क्रिकेट प्रतियोगिताको पहिलो खेलमा पारस खड्काले विस्फोटक ब्याटिंग गर्दै १९ बलमै अर्धशतक प्रहार गरेका छन् l
१ लाख डलर पुरस्कार राशीको प्रतियोगितामा सीएटल गलाडीएटर्स बिरुद्ध २२ यार्ड क्रिकेट क्लबको लागि खेलेका पारसले चौथो नम्बरमा ब्याटिंग गर्दै ६४ रनको धुँवादार पारि खेले l
पारसले २४६.१५ को स्ट्राइक रेटमा रन बनाउन २६ बलको इनिंगमा ७ छक्का र ३ चौका प्रहार गरेका थिए l
आफ्नो टिमको लागि सर्बाधिक रन बनाएका पारसको इनिंग मदतले २२ यार्डले पहिले ब्याटिंग गर्दै निर्धारित २० ओभरमा २९७/६ को बिशाल स्कोर खडा गर्यो l टिमको लागि साई रमेशले ४६ तथा शन फिंडलेले ४५ रनको योगदान दिए l दोश्रो इनिंगमा सीएटल गलाडीएटर्सले २० ओभरमा ९०/९ मात्रै बनाउन सकेपछि पारसको टिम ले २०७ रनको भारी अन्तरको जित दर्ता गर्यो l पारसले बलिंग भने गरेनन् l
यो पनि पढ्नुस : अज्मलको एकै ओभरमा पारसको ४ छक्का ! ( भिडियो सहित )
क्रिकेट काउन्सिल अमेरिकाले आयोजना गरेको अमेरिकाका बिभिन्न क्लबहरुले सहभागिता जनाउने प्रतियोगिताका बिभिन्न टिममा अन्तर्राष्ट्रिय क्रिकेटर छन् l दक्षिण अफ्रिकी क्रिकेटर हर्शल गिब्स र रस्टि थेरोन, वेस्ट इन्डिज खेलाडी सामुयल बद्रि र शन फिंडले, पाकिस्तानी सईद अज्मल जस्ता खेलाडीहरु प्रतियोगिता खेलीरहेका छन् l
कुल १४ टिमले सहभागिता जनाएको प्रतियोगिताको समुह २ मा रहेको २२ यार्डको ग्रुपमा सीएटल गलाडीएटर्स र क्यालीफोर्निया बियर्स छन् l पारसको टिम २२ यार्डमा दक्षिण अफ्रिकी रास्ट्रिय क्रिकेटर रस्टि थेरोन र वेस्ट इन्डिज खेलाडी शन फिंडले पनि खेलीरहेका छन् l
नोभेम्बर २७ सम्म चल्ने प्रतियोगितामा पारसको टिम २२ यार्डले समूह चरण अन्तर्गत दोश्रो खेल क्यालीफोर्निया बियार्स संग २६ तारिकमा खेल्नेछ l
पारस टु-एक्स क्रिकेट युएसमा कप खेल्न गत महिना अमेरिका पुगेका थिए l गत हफ्ता पारस खड्काको कप्तानीमा नेपाली राइनोजले उक्त प्रतियोगिता जितेको थियो जसमा पारसले उत्कृस्ट ब्याटिंग गरेका थिए l
स्कोरकार्ड
