कप्तान पारस खड्काले अर्धशतक पुरा गरेपछि अत्यन्त खराब सुरुवात गरेको नेपाल केहि सम्हालिएको छ।
स्कटल्याण्डसंग जारि खेलमा नेपालले टस जितेर ब्याटिंग गर्दै ताजा अवस्थामा २६ ओभरको खेल सकिद ८६ रन बनाएर ६ विकेट गुमाएको छ। ६६ बलमा अर्धशतक पुरा गरेका पारस ५० रन तथा रोहित पौडेल ४ रन बनाएर ब्याटिंग गरिरहेका छन्। पारसले हालसम्म ८ चौका प्रहार गरिसकेका छन्।
लिस्ट ‘ए’ क्रिकेटमा पारस खड्काको यो सातौं अर्धशतक हो। पारसले लिस्ट ‘एमा २ वटा शतक प्रहार गरेका छन्। जारि खेलमा पारसले लिस्ट ‘ए’ क्रिकेटमा १ हजार रन पुरा गर्दै कीर्तिमान कायम गर्ने पहिलो नेपाली खेलाडी बनेका छन्।
ओपनर ज्ञानेन्द्र मल्ल ( १ ) र दिलिप नाथ ( ४ ) चाडैनै आउट भएपछि ब्याटिंग गर्न आएका दिपेन्द्र ऐरी ( १ ) , शरद भेसावकर ( ० ) तथा आरिफ शेख ( २ ) आउट भएपछि नेपालले ५ जना ब्याट्सम्यानलाई ३९ रनको कुल योगफलमै गुमाएको थियो।
पाचौ विकेट गुमेपछि पारसले सोमपाल कामिसंग छैठौं विकेटको लागि ४२ रनको साझेदारी गरेका थिए। सोमपाल २५ औ ओभरमा टिमको योगफल ८१ रन हुँदा व्यक्तिगत १८ रनमा रन आउट भए।
नेपाललाई नाजुक स्थितिमा पुर्याउन स्कटल्याण्ड ओपनिंग बलर स्टुवार्ट व्हिटिंगघमले ३ विकेट लिने क्रममा दिलिप नाथ, दिपेन्द्र ऐरी र शरद भेसावकरलाई पेभेलियन पठाए । यस्तै सफ्यान शरिफ र रिचीबेरिंगटनले समान १/१ विकेट हात पारेका छन्।
प्रतियोगिताको पहिलो २ खेलमा स्कटल्याण्डले अफगानिस्तान र हंगकंगलाई पराजित गरिसकेको छ भने नेपालले पहिलो खेलमा जिम्बाबेसंग हार बेहोरेको थियो।
खेलको फोटोहरु-
