पूर्वकप्तान खड्कालाई प्रधानमन्त्री देउवाको शुभकामना

प्रधानमन्त्री शेरबहादुर देउवाले राष्ट्रिय क्रिकेट टोलिका पूर्ब कप्तान पारस खडकालाई आगामी यात्राका लागि शुभकामना दिएका छन्।

दुई दशकसम्म नेपाली क्रिकेटको बिकासमा पूर्ब कप्तान खड्काले गरेको योगदानप्रति धन्यवाद दिंदै प्रधानमन्त्री देउवाले आगामी यात्राका लागि शुभकामना दिएका हुन्।

प्रधानमन्त्री देउवासँग भेटघाटका लागि बालुवाटार पुग्नुभएका पारसले नेपाली क्रिकेटको बिकासका लागि प्रधानमन्त्रीलाई ध्यानाकर्षण गराएका थिए। प्रधानमन्त्री देउवाले नेपाली क्रिकेटको बिकासका लागि हरसम्भब प्रयास गर्ने प्रतिबद्धता ब्यक्त गरेको कप्तान खडकाले जानकारी दिए- “रणनीतिक कुनै छलफल भएको छैन्, आफ्नो आगामी यात्राबारे जानकारी गराउँदै क्रिकेट बिकासका लागि सरकारको सहयोग माग्यौं।”

पारसले गत् साता अन्तर्राष्ट्रिय क्रिकेटबाट सन्यासको घोषणा गरेका थिए । सन्यासको घोषणापछि आयोजित पत्रकार भेटघाटमा पारसले क्रिकेट बिकासका लागि आफू नेपाल क्रिकेट संघमा आउने इच्छा ब्यक्त गरेका थिए । प्रधानमन्त्री देउवाले पूर्ब कप्तान खडकालाई शुभकामना दिए।

पारससँगको भेटपछि प्रधानमन्त्री देउवाले आफ्नो ट्वीटरमा भेटघाटको तस्विर साझा गर्दै लेखेका छन्, “दुई दशकमा नेपली क्रिकेटले हासिल गरेका हरेक ती सफलता, नेपालीले कहिल्यै नभुल्ने ती रोमाञ्चक जित र हामीलाई क्रिकेटमा झन ठूलो सपना देख्न प्रेरित गरेकोमा धन्यवाद ।”
उहाँले नेपाल र नेपालीको शिर उँचो बनाउन जिन्दगीको दोस्रो पारीमा पनि सफलता मिलोस भन्नुहुँदै सरकारको साथ र सहयोग सधैं रहीरहने बताएका छन्। ( साभार – गोरखापत्र )

Related Posts

Leave a Reply

© 2026 WicketNepal - WordPress Theme by WPEnjoy