नेपालको बिशाल जितमा पारस र ललित उत्कृस्ट

Lalit Rajbanshi, Paras Khadka

यही जुलाई २९ तारिखमा नेदरल्याण्ड र मेरिलेबोन क्रिकेट क्लबसंग त्रिकोणात्मक टि-२० सिरिज र त्यसपछि अगस्ट १ र ३ तारिखमा नेदरल्याण्डसंग २ वटा एकदिवसीय अन्तरास्ट्रिय खेल्न इंग्ल्याण्ड भ्रमणमा रहेको नेपाली राष्ट्रिय क्रिकेट टिमले पहिलो अभ्यास खेलमा ह्याम्पसायर हग्स क्रिकेट क्लबसंगलाई २४३ रनको बिशाल अन्तरले पराजित गरेको छ । || स्कोरकार्ड ||

अभ्यास खेल अन्तर्गत टस जितेर ब्याटिंग रोजेको नेपालले ३६२ रनको बिशाल योगफल तयार गरेको थियो। सोमपाल कामी, बसन्त रेग्मी, शक्ति गौचन र अनिल कुमार साहलाई बिश्राम दिएर मैदान उत्रिएको नेपालले निर्धारित ५० ओभरमा सबै विकेट गुमाएर ३६२ रन जोडेको थियो।

नेपालको इनिंगमा पारस खड्काले आक्रमक पारि खेल्दै १६१ रन बनाए। ओपनर ज्ञानेन्द्र मल्ल व्यक्तिगत ५ रन बनाएर चाडैं पभेलियन फर्किएपछि ब्याटिंगमा उत्रिएका पारस खड्काले १९ चौका र ७ छक्का प्रहार गरे। नेपाली ब्याटिंगलाई सम्हाल्ने क्रममा पारस खड्काले सुरुवातमा शरद भेसावकरसंग तथा त्यसपछि दिपेन्द्र सिंह ऐरीसंग साझेदारी गरेका थिए।

यस्तै नेपालको ब्याटिंगमा रोहित कुमार पौडेलले अन्त्यतर्फ बिष्फोटक ब्याटिंग गर्दै मात्र ३४ बलमा ४४ रन जोड्न सफल भए। यस्तै दिपेन्द्र सिंह ऐरीले ४६ बलमा ३७ रनको योगदान दिंदा आरिफ शेखले २७  तथा करण केसीले १८ रनको व्यक्तिगत योगदान गरे।

३६३ रनको बिशाल लक्ष्य पछ्याउने क्रममा स्थानीय टिम ११९ रनमै समेटिन पुग्यो। ललित राजबंशी एक्लैले ५ विकेट तथा सन्दिप लामिछाने र दिपेन्द्र ऐरिले २/२ विकेट लिएपछि हग्स निरिह बन्न पुग्यो। राजबंशीले १० ओभरमा  ३४ रन खर्चिंदा ४ मेडन ओभर फाले। हग्सको लागि ह्यारी फ़िशरले सर्वाधिक ३३ तथा टम बाउचरले २२ रन योगदान दिए।

नेपालले दोश्रो अभ्यास खेलमा मंगलबार सेन्ट क्रस क्लबसंग टि-२० खेल खेल्ने कार्यक्रम  रहेकोछ। यस्तै जुलाई २५ मा इस्ट लन्डन ११ संग एउटा ५० ओभर र २६ जुलाईमा इस्ट लन्डन शार्क्ससंग एउटा टि-२० खेल्ने कार्यक्रम रहेको छ।

 





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]