नेपाली राष्ट्रिय टोलीका पूर्वकप्तान पारस खड्काले विश्व लेजेन्ड्स लिग क्रिकेट खेल्ने भएका छन् । आयोजक लेजेन्ड्स लिग क्रिकेटले आइतबार पारसले लिग खेल्ने जानकारी दिएको हो ।
विश्वभरका चर्चित पूर्व खेलाडीहरुले प्रतिस्पर्धा गर्ने यस प्रतियोगिताको दोस्रो संस्करण भारतमा सेप्टेम्बरदेखि अक्टोबरसम्म आयोजना हुनेछ । चार टोलीले खेल्ने यस प्रतियोगितामा एक सय १० खेलाडीको सहभागिता रहने आयोजकले जनाएको छ । जसमा १५ खेल हुनेछन् ।
नेपाली क्रिकेटलाई अन्तर्राष्ट्रिय क्षेत्रमा चिनाउन उल्लेख्य भूमिका निभाएका पारसले तीन बर्षअघि कप्तान पदबाट राजीनामा दिएका थए । त्यसपछि उनले एक बर्षअघि अन्तर्राष्ट्रिय क्रिकेटबाट सन्यासको घोषणा गरेका थिए । पारसको कप्तानीमा नेपालले सन् २०१४ मा बंगलादेशमा भएको टी–२० विश्वकप खेलेको थियो ।
Here we go with 8 more, completing 50 legends on the list!
Welcome on board @chaminda_vaas @Lshukla6 @paras77 @Mitch_Savage @isthatyoubaxter @imDhammika @ChigumburaElton #ChristopherMpofu in season 2 of @llct20 #LegendsLeagueCricket #LLCT20 #BossLogonKaGame #BossCode pic.twitter.com/zqYTjXWUPo
— Legends League Cricket (@llct20) July 24, 2022
